تازہ ترین زراعت سیاست قومی مشہور خبر پاکستان کی خبریں کشمیر

مقبوضہ کشمیر ٗ بھارتی فوجیوں نے اپنی ریاستی دہشت گردی کی تازہ کارروائی کے دوران آج ہندواڑہ قصبے میں ایک اور نوجوان کو شہیدکردیا

download (1)

سرینگر : مقبوضہ کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران آج ہندواڑہ قصبے میں ایک اور نوجوان کو شہیدکردیا ہے۔ کشمیرمیڈیا سروس کے مطابق فوجیوں نے نوجوان کوہندواڑہ کے علاقے ہنگنی کوٹ رامہال میں تلاشی اور محاصرے کی ایک کارروائی کے دوران شہید کیا۔ضلع پلوامہ سے ملنے والی اطلاعات کے مطابق بھارتی فوج اور پولیس اہلکاروں نے ترال کے علاقے خان محلہ آری پل میں تلاشی اور محاصرے کی ایک مشترکہ کارروائی کی ۔ تمام داخلی اور خارجی مقامات کی ناکہ بندی کرکے علاقے میں گھر گھر تلاشی شروع کر دی گئی ہے ٗکل جماعتی حریت کانفرنس نے سرینگر میں جاری ایک بیان میں غیر قانونی طورپر نظربند تما م رہنماؤں اور کارکنوں کی عید الاضحی سے قبل رہائی کا مطالبہ کیا ہے۔ بیان میں کہاگیا کہ کٹھ پتلی وزیر اعلیٰ محبوبہ مفتی نے چھاپوں اور حریت رہنماؤں شبیر احمد شاہ، پیر سیف اللہ، الطاف احمد شاہ، شاہد الاسلام، ایاز محمداکبر، معراج الدین کلوال، نعیم احمد خان، دیویندر سنگھ بہل اور کئی تاجروں کی گرفتاریوں میں بھارتی تحقیقاتی ادارے این آئی اے کی معاونت کی ہے ۔ حریت کانفرنس نے انسانی حقوق کی بین الاقوامی تنظیموں سے اپیل کی ہے کہ وہ تمام کشمیری نظربندوں کی فوری رہائی کیلئے اپنا اثر و رسوخ استعمال کریں۔میرواعظ عمرفاروق کی زیر قیادت حریت فورم نے سرینگر میں جاری ایک بیان میں کہا کہ کشمیر ی عوام جموں وکشمیر کی خصوصی حیثیت کو نقصان پہنچانے کی کسی بھی کوشش کو برداشت نہیں کریں گے اور وہ علاقے میں آبادی کے تناسب کو تبدیل کرنے کے منصوبے کی بھرپور مزاحمت کریں گے۔ کشمیری تاجر وں نے سرینگر میں بھارتی آئین کے آرٹیکل 35A کو منسوخ کرنے کے بھارتی منصوبے کے خلاف احتجاجی مظاہرہ کیا۔مظاہرین نے گورنر ہاؤس کی طرف مارچ کی کوشش کی لیکن بھارتی پولیس نے مارچ کو روکنے کے لیے طاقت کا وحشیانہ استعمال کیا اور کئی تاجر رہنماؤں کو گرفتار کرلیا۔ ادھرورلڈکشمیر اوےئر نس فورم کے سیکرٹری جنرل ڈاکٹر غلام نبی فائی نے واشنگٹن میں ایک پریس کانفرنس سے خطاب کرتے ہوئے تنازعہ کشمیر کو حل کرنے کے لیے پاکستان اور بھارت کے درمیان امن کی ضرورت پر زور دیا ہے۔ آزادکشمیر کے سابق وزیر اعظم بیرسٹر سلطان محمو چوہدری نے اس موقع پرخبردار کیا کہ مقبوضہ کشمیر میں بھارتی قابض فورسز کی طرف سے انسانی حقوق کی سنگین خلاف ورزیوں پر عالمی طاقتوں کی مجرمانہ خاموشی سے بھارت کو نہتے کشمیریوں کا قتل عام کرنے کا لائسنس مل گیا ہے۔