وزیراعظم عمران خان آج چین کے دورے پر روانہ ہوں گے

وزیر اعظم

اسلام آباد: وزیراعظم عمران خان آج  پر روانہ ہو رہے ہیں، دورے میں وزیراعظم چینی صدرسے بھی ملاقات کریں گے جبکہ چین میں بین الاقوامی ایکسپو میں شرکت کریں گے۔

تفصیلات کے مطابق وزیراعظم عمران خان آج چین کے دورے پرروانہ ہوں گے، چین جانے والے وفد کے ارکان میں بھی اضافہ ہوگیا ہے ، وزیرخارجہ شاہ محمودقریشی اوروزیرخزانہ اسدعمر کے علاوہ وفاقی وزیر فیصل واوڈا ، شیخ رشید اورعلی زیدی بھی ہوں گے۔

وزیراعلیٰ بلوچستان اورگورنرسندھ کے بھی چین جانے کا امکان ہے۔ وزیراعظم کا دورہ چین یکم نومبرسے 5 نومبر تک جاری رہےگا، دورےمیں وزیراعظم چینی صدرسے بھی ملاقات کریں گے، عظیم عوامی ہال میں وزیراعظم عمران خان کوگارڈ آف آنرپیش کیاجائے گا۔

loading...

دورے کے دوران ملاقاتوں میں سی پیک سمیت چینی قیادت سے دوطرفہ امورپر مذاکرات ہوں گے اور مذاکرات میں علاقائی امن اورترقی سمیت دیگر امور زیر غور آئیں گے۔

وزیراعظم چین میں بین الاقوامی ایکسپومیں بھی شریک ہوں گے ، پاکستان بطور مہمان خصوصی ایکسپو میں شریک ہوگا اور وزیراعظم عمران افتتاحی تقریب سے خطاب بھی کریں گے۔ دورے میں پاکستان اورچین کےدرمیان معاہدوں پربھی دستخط ہوں گے۔

گزشتہ روز چینی وزارت خارجہ کا کہنا تھا کہ چین وزیراعظم عمران خان کے دورے کا منتظر ہے، عمران خان کا دورہ چین ترقی کا نیا باب کھولے گا۔

خیال رہے دورہ چین کے ایک ہفتے بعد ملائیشیا کے لیے روانہ ہوں گے، ان کے ہمراہ وفاقی وزرا اسدعمر، فوادچوہدری، شاہ محمود قریشی ہوں گے۔

دورے میں وزیر اعظم عمران خان ملائیشیا کے وزیراعظم مہاتیر محمد سے ملاقات کریں گے اور اقتصادی تعاون پربات کریں گے۔

Spread the love
  • 1
    Share

Comments

comments

اپنا تبصرہ بھیجیں