اظہر علی نے ون ڈے کرکٹ سے ریٹائرمنٹ کا فیصلہ کر لیا

اظہر علی

لاہور: پاکستان کرکٹ ٹیم کے سابق کپتان اظہر علی نے ون ڈے کرکٹ سے ریٹائرمنٹ کا فیصلہ کر لیاہے ۔

تفصیلات کے مطابق پاکستان کرکٹ ٹیم کے کھلاڑی اظہر علی نے ایک روزہ میچ سے ریٹائرمنٹ کا فیصلہ کرلیا ہے اور وہ جلد ہی اس کا اعلان پریس کانفرنس کرتے ہوئے کریں گے ۔اظہر علی نے آخری ون ڈے میچ جنوری میں نیوزی لینڈ کیخلاف کھیلا تھا ۔

اظہر علی نے 53 ایک روزہ میچز میں 36.9 کی اوسط سے ایک ہزار 845 رنز بنائے، جس میں 3 سینچریاں اور 12 نصف سینچریاں شامل ہیں۔

ان کا بہترین انفرادی اسکور 102 رنز رہا۔ ون ڈے کرکٹ میں 74 سے زیادہ کا اوسط رکھنے والے اوپنر نے 2011 میں بلفاسٹ میں آئرلینڈ کے خلاف ڈیبیو کیا تاہم وہ 13 جنوری 2018 میں نیوزی لینڈ کے خلاف ڈونیڈن کے میچ کے بعد ٹیم سے باہر تھے۔

اوپنر کو 2015 ورلڈ کپ کے بعد قومی ون ڈے ٹیم کا کپتان مقرر کیا گیا تاہم ان کی قیادت میں ٹیم آئی سی سی درجہ بندی میں نویں پوزیشن پر پہنچ گئی۔

فروری 2017 میں آسٹریلیا سے سیریز چار ایک سے ہارنے پر انہوں نے کپتانی سے استعفی دیا۔ اظہرعلی اب صرف ٹیسٹ کرکٹ پر فوکس کریں گے۔

ڈومیسٹک کرکٹ میں خان ریسرچ لیبارٹریز لاہور ، لاہور ایگلز ، لاہور لائنز اور لاہور قلندرز کی جانب سے کھیلتے رہے ہیں ۔ اظہر پاکستان سپر لیگ کے پہلے ایڈیشن میں لاہور قلندرز کے کپتان بھی رہے ہیں ۔

Spread the love
  • 7
    Shares

Comments

comments

اپنا تبصرہ بھیجیں