پاکستانی فنکار:پینسلوں سے جھولا بنا کر عالمی ریکارڈ قائم کرنے کا خواہشمند

پینسلوں سے جھولا

کراچی: زیادہ تر لوگ پینسل کو صرف تحریر کے لیے ہی استعمال کرتے ہیں لیکن کچھ لوگ اس سے فنکاری کے جوہر دکھا کر بھی سب کو حیران کر دیتے ہیں۔ کراچی سے تعلق رکھنے والے فنکار بلال آصف بھی ایک مرتبہ پھر عالمی ریکارڈ قائم کرنے کیلئے ’پینسلوں سے جھولا‘ تیار کر رہے ہیں۔

بلال آصف پینسلوں کو تراش کر تزئین و آرائش سے متعلق اور دیگر اشیاء بنانے کی مہارت رکھتے ہیں۔

انہوں نے 2013 میں پینسلوں سے سب سے اونچا ٹاور بنا کر امریکی آرٹسٹ کا ریکارڈ توڑا تھا۔
پینسلوں سے جھولا

loading...

اور اب بلال 26 ہزار 370 سے زائد پینسلوں کو تراش کر ’پینسل جھولا‘ بنانے کی تیاری کر رہے ہیں، جس کا مقصد دوسری بار عالمی ریکارڈ قائم کرنا اور پاکستان کا نام روشن کرنا ہے۔

ابتدا میں آصف نے پینسلوں سے آرائشی اشیاء اور دیدہ زیب جیولری بنائی اور اب انہیں یقین ہے کہ وہ پینسلوں سے جھولا بنا کر ایک نیا ریکارڈ قائم کریں گے.

بلال آصف نے اپنے فیس بک اکاؤنٹ پر ایک ویڈیو بھی شیئر کی، جس میں وہ پینسلوں سے جھولا تیار کرتے ہوئے دکھائی دیئے، لیکن چونکہ یہ ابھی مکمل نہیں ہوا ہے اس وجہ سے اس کی بلیک اینڈ وائٹ ویڈیو جاری کی گئی ہے۔
بلال آصف نے اپنی فیس بک پوسٹ میں یہ بھی بتایا کہ وہ پینسلوں سے جھولا بنا کر رواں برس کے آخر یعنی دسمبر میں پیش کریں گے۔

Spread the love

Comments

comments

اپنا تبصرہ بھیجیں