ڈوپنگ کیس: معطل کرکٹر احمد شہزاد ایک اور مشکل میں پھنس گئے

احمد شہزاد

لاہور: ڈوپنگ کیس میں معطل کرکٹر احمد شہزاد ایک مرتبہ پھر مشکل میں آگئے، پابندی کے باوجود کلب کرکٹ کھیلنے پر پی سی بی نے ایکشن لے لیا۔

تفصیلات کے مطابق ڈوپنگ کیس میں معطل کرکٹر احمد شہزاد ایک مرتبہ پھر مشکل میں آگئے ہیں، پابندی کے باوجود کلب کرکٹ کھیلنے پر پی سی بی نے ایکشن لیتے ہوئے احمد شہزاد کی سزا میں چھ ہفتوں کی توسیع کردی ہے۔

پی سی بی کی جانب سے جاری اعلامیے میں کہا گیا ہے کہ احمد شہزاد پر 6 ہفتوں کی پابندی کا اطلاق 11 نومبر سے ہوگا اور 22 دسمبر تک کرکٹ کھیلنے پر پابندی برقرار رہے گی۔

loading...

ڈوپ ٹیسٹ مثبت آنے پر احمد شہزاد پہلے ہی چار ماہ کی پابندی کی زد میں ہیں، کرکٹر نے اپنی غلطی کا اعتراف کرتے ہوئے آئندہ محتاط رہنے کا وعدہ کیا۔

واضح رہے کہ احمد شہزاد نے گیارہ نومبر کو ختم ہونا تھی لیکن اوپنر نے پہلے ہی کلب کرکٹ میں 7 میچز کھیلے اور موقف اختیار کیا کہ کلب میں بچوں کی حوصلہ افزائی کے لیے بلایا گیا تھا۔

چھبیس سالہ کرکٹر نے 13 ٹیسٹ، 81 ون ڈے انٹرنیشنل اور 57 ٹی ٹوینٹی انٹرنیشل میچز میں قومی ٹیم کی نمائندگی کی ہے۔

Spread the love
  • 4
    Shares

Comments

comments

اپنا تبصرہ بھیجیں