درآمدی خام مال پر ڈیوٹیز اور ٹیکسز جلد ختم ہونے کا امکان

سیالکوٹ: وزیر اعظم کے مشیر برائے تجارت، ٹیکسٹائل، صنعتیں، پیداوار اور سرمایہ کاری عبدالرزاق داؤد نے کہا ہے کہ حکومت جلد ہی درآمدی خام مال پر تمام ڈیوٹیز اور ٹیکسز کو ختم کردے گی۔

اخبار کی رپورٹ کے مطابق عبدالرزاق داؤد نے سیالکوٹ ایوان صنعت و تجارت کا دورہ کیا اور سیالکوٹ کے برآمد کنندگان کے اجلاس سے خطاب کیا، اجلاس کی صدارت ایوان صنعت و تجارت کے صدر خواجہ مسعود اختر نے کی، اس موقع پر سینئر نائب صدر وقاص اکرم اعوان، ریاض الدین شیخ اور حکومتی نمائندگان بھی موجود تھے۔

اجلاس سے خطاب کرتے ہوئے عبدالرزاق داؤد کا کہنا تھا کہ تاجر برادری کو اپنی برآمدات بڑھانے کے لیے سیالکوٹ کے برآمدی کلچر سے سیکھنا چاہیے۔

انہوں نے کہا کہ حکومت صنعت کو ترقی دینے کے لیے منصوبہ بندی اور پالیساں بنا رہی ہے، اس کے علاوہ ان پالیسیز پر مکمل عمل درآمد کے لیے تاجر براری کو اعتماد میں لے رہی ہے۔

عبدالرزاق داؤد کا کہنا تھا کہ حکومت پولسٹر یارن کی درآمد پر 5 فیصد ریگولیٹری اور 7 فیصد اینٹی ڈمپنگ ڈیوٹی کے معاملے کو اسی ماہ حل کردے گی۔

اس موقع پر انہوں نے سیالکوٹ میں ایک خصوصی اقتصادی زون کے قیام کے لیے مکمل حمایت کا اعلان کیا۔

وزیر اعظم کے مشیر کا کہنا تھا کہ فیڈرل بورڈ آف ریونیو (ایف بی آر) کے کردار میں عائد ٹیکسز سے صرف ٹیکس وصولی کے لیے اصلاحات کی جارہی ہیں۔

انہوں نے واضح کیا کہ ’میں نے حکومت کو ایک سمری ارسال کی ہے جس میں ایف بی آر براہ راست کوئی ٹیکس عائد نہیں کرے گا کیونکہ ایف بی آر کا کردار صرف ٹیکس وصول کرنا ہے۔

Spread the love

Comments

comments

اپنا تبصرہ بھیجیں