وزیرخارجہ شاہ محمود قریشی دورہ امریکہ کے بعد وطن واپس پہنچ گئے

شاہ محمود قریشی

اسلام آباد: وزیر خارجہ شاہ محمود قریشی امریکہ کا دورہ مکمل کرنے کے بعد وطن واپس پہنچ گئے انہوں نے اپنے دورے میں 40 سے زائد ممالک کے وفود سے ملاقاتیں کیں۔

تفصیلات کے مطابق دورہ امریکہ کے موقع پر شاہ محمود قریشی نے امریکی وزیرخارجہ اور مشیرقومی سلامتی سے بھی ملاقاتیں کیں، وزیر خارجہ اب وطن واپس پہنچ چکے ہیں۔
وزیر خارجہ نے دورہ امریکہ کے دوران اقوام متحدہ کی جنرل اسمبلی سے خطاب کیا اور چالیس سے زائد ممالک کے وفود سے ملاقاتیں کیں۔
شاہ محمود اور امریکی وزیر خارجہ مائیک پومپیو کے درمیان ہونے والی ملاقات میں پاک امریکہ تعلقات اور علاقائی معاملات سے متعلق باہمی دلچسپی کے امور پر گفتگو کی گئ تھی۔
اس سے قبل پاکستانی وزیر خارجہ شاہ محمود قریشی کی امریکہ کی خارجہ تعلقات کمیٹی کے رکن سینیٹر کوری سے بھی ملاقات ہوئی تھی جس میں پاک امریکہ تعلقات اور خطے کی صورتحال پر تبادلہ خیال کیا گیا۔
سینیٹر کوری بوکر کا کہنا تھا کہ پاکستان میں تبدیلی خطے میں امن کی نوید ہے، دہشت گردی کے خلاف پاکستان کی قربانیوں کو تسلیم کیا جانا چاہیے۔
واضح رہے کہ وزیر خارجہ شاہ محمود قریشی نے اقوام متحدہ کی جنرک اسمبلی کے سالانہ اجلاس سے خطاب میں بھارت کو خبردارکیا تھا کہ وہ پاکستان کے صبر کا امتحان نہ لے۔
شاہ محمود قریشی نے بھارت کومنہ توڑ جواب دیتے ہوئے کہا تھا کہ پاکستان میں دہشت گردانہ حملوں کو بھارت کی پشت پناہی حاصل ہے۔

Spread the love
  • 1
    Share

Comments

comments

اپنا تبصرہ بھیجیں