بھارتی گلوکار میکا سنگھ کو رہا کردیا گیا

گلوکار میکا سنگھ

دبئی: متحدہ عرب امارات میں برازیلین ماڈل کو جنسی طور پر ہراساں کرنے کے جرم میں گرفتار بالی ووڈ گلوکار میکا سنگھ کو رہا کردیا گیا۔

متحدہ عرب امارات میں بھارتی سفیر نودیپ سنگھ سوری نے بھارتی میڈیا کو تصدیق کرتے ہوئے بتایا کہ گلوکار کو گزشتہ شب ساڑھے 11 بجے رہا کردیا گیا تھا۔ انہیں آج عدالت میں پیش کیا جائے گا۔

یاد رہے کہ بھارتی میڈیا رپورٹس کے مطابق گزشتہ روز 17 سالہ برازیلین ماڈل نے میکا سنگھ کے خلاف جنسی ہراساں کرنے کا الزام لگایا تھا جس کے بعد انہیں دبئی کے ہوٹل سے حراست میں لیا گیا۔ میڈیا رپورٹس کے مطابق میکا سنگھ نے برازیلین ماڈل کو نازیبا تصاویر بھیجی تھیں۔

مختلف فلموں کے لیے گانے والے گلوکار میکا سنگھ اس سے قبل بھی مختلف واقعات میں حوالات کی سیر کرچکے ہیں۔ سنہ 2015 میں ایک ڈاکٹر کو کنسرٹ کے دوران تھپڑ مارنے پر میکا سنگھ کو پولیس نے گرفتار کیا تھا۔

چند سال قبل بھی میکا سنگھ کو ممبئی ایئرپورٹ پر گرفتار کیا تھا جب ان کے پاس سے مقررہ حد سے زیادہ بھارتی اور غیر ملکی کرنسی برآمد ہوئی تھی۔

Spread the love

Comments

comments

اپنا تبصرہ بھیجیں