اداکارہ دپیکا پڈوکون کا عامر خان کے ساتھ کام کرنے سے انکار

اداکارہ دپیکا پڈوکون
loading...

ممبئی: ناموربالی ووڈ اداکارہ دپیکا پڈوکون نے مسٹرپرفیکشنسٹ عامر خان کے ساتھ کام کرنے سے انکار کردیا۔

بھارتی میڈیا کے مطابق اداکارعامر خان ان دنوں اپنے ڈریم پراجیکٹ ’مہا بھارت‘ کی تیاریوں میں مصروف ہیں جس میں وہ بھارتی دیومالائی کردار کرشنا کا کردارادا کریں گے۔

جب کہ عامر خان نے اداکارہ دپیکا پڈوکون کو فلم میں ’دروپتی‘ کے کردار کی پیشکش کی تھی تاہم دپیکا نے مہابھارت میں دروپتی بننے سے انکار کردیا اورعامر خان کی پیشکش ٹھکرادی۔

دپیکا پڈوکون کے دروپتی کے کردار کی پیشکش ٹھکرانے کی وجہ تاحال سامنے نہیں آئی ہے تاہم عامر اور دپیکا کے مداح یہ خبرسن کر افسردہ ہوگئے ہیں۔

کیونکہ دونوں کے مداحوں کی شدید خواہش تھی کہ عامر اوردپیکا پڈوکون ایک ساتھ کسی فلم میں نظر آئیں۔ واضح رہے کہ دپیکا پڈوکون بہت جلد ہدایت کارہ میگھنا گلزار کی فلم کی شوٹنگ کاآغازکریں گی جس میں وہ تیزاب گردی کا شکار ہونے والی خاتون لکشمی اگروال کے کردارمیں نظر آئیں گی۔

Spread the love

Comments

comments

اپنا تبصرہ بھیجیں