امید ہے پاکستان 2019 کا ورلڈ کپ جیتے گا، معین خان

معین خان

کراچی: قومی کرکٹ ٹیم کے سابق کپتان معین خان کا کہنا ہے کہ قومی ٹیم میں ورلڈ کپ جیتنے کی بھرپور صلاحیت  ہے۔

تفصیلات کے مطابق نیشنل اسٹیڈیم کراچی میں کرکٹ ورلڈکپ ٹرافی 2019 کی تقریب رونمائی ہوئی۔ اس موقع پر میڈیا سے گفتگو کرتے ہوئے کہا کہ سابق قومی کرکٹ ٹیم کے سابق وکٹ کیپر معین خان کا کہنا تھا کہ سرفراز احمد کی قائدانہ صلاحیتوں سے کسی کو انکار نہیں۔

معین خان کا کہنا تھا کہ سرفراز احمد کو اپنی میچ جیتنے کی صلاحیت کو برقرار رکھنا ہوگا، دعاؤں کا اثر ہوتا ہے لیکن اہم چیز ٹیم کی محنت ہے۔

loading...

سابق کپتان کا کہنا تھا کہ ناکامی کے خوف کے بغیر کھیلے تو پاکستان ورلڈ کپ جیت سکتا ہے، موجودہ صورت حال میں جولڑکے موجود ہیں انہی کو لے کرچلنا چاہیے۔

معین خان کا کہنا تھا کہ لڑکوں کوبا آور کرانا چاہیے کہ وہ اسکواڈ کا حصہ ہیں تاکہ وہ تیار ہوں۔ سابق کپتان کا کہنا تھا کہ خوش قسمت تھے 1992 کے ورلڈ کپ میں ہمارے کپتان عمران خان تھے، اسی ٹیم میں سے 7 سے 8 کپتان بنے۔

معین خان کا کہنا تھا کہ قومی ٹیم میں ورلڈ کپ جیتنے کی بھرپور صلاحیت  ہے، دعا ہے کہ یہ ٹرافی پاکستان کی ٹیم لے کر آئے۔

Spread the love
  • 5
    Shares

Comments

comments

اپنا تبصرہ بھیجیں