افغانستان میں پارلیمانی انتخابات، طالبان نے بڑی دھمکی دے دی

افغانستان

کابل: افغانستان میں رواں ماہ پارلیمانی انتخابات ہونے جا رہے ہیں، جبکہ طالبان نے حملے کی دھمکی دی ہے۔

تفصیلات کے مطابق افغانستان میں رواں ماہ 20 اکبوتر کو پارلیمانی انتخابات ہوں گے، جبکہ طالبان نے دھمکی دی ہے کہ کسی صورت اس الیکشن کو کامیاب نہیں ہوں گے۔

غیر ملکی خبر رساں ادارے کے مطابق طالبان نے اپنے دھمکی بھرے بیان میں کہا ہے کہ رواں ماہ انتخابات ہونے نہیں دیں گے، اگر کسی نے اسے کامیاب بنانے میں حصہ لیا تو اسے نہیں چھوڑا جائے گا۔

افغان طالبان نے موقف اختیار کیا ہے کہ یہ الیکشن امریکی حکمرانی کو افغانستان میں مزید تقویت دے گا، ملک میں غیر ملکی تسلط کو برداشت نہیں کیا جائے گا۔

دوسری جانب افغان حکام نے دھمکیوں کے پیش نظر ملک میں سکیورٹی سخت کردی ہے، ملک میں قائم ہزاروں پولنگ اسٹیشن پر تقریباً پچاس ہزار سکیورٹی اہلکار تعینات کیے جائیں گے۔

خیال رہے کہ گذشتہ ہفتے افغان صوبے ننگرہار میں پارلیمانی انتخابات سے متعلق ایک ریلی نکالی گئی تھی، جس پر حملے کے نتیجے میں 18 افراد ہلاک ہوگئے تھے۔

اقوام متحدہ کی ایک رپورٹ کے مطابق رواں سال یکم جنوری سے 30 ستمبر تک افغانستان میں خود کش حملوں میں 3634 افراد مارے گئے، ہلاک ہونے والوں میں عورتیں اور بچے بھی شامل ہیں۔

یاد رہے کہ گذشتہ ماہ افغانستان کے صوبے بغلان میں طالبان نے سکیورٹی فورسز کی چوکیوں پر حملہ کردیا تھا جس کے نتیجے میں 30 سکیورٹی اہلکار ہلاک ہوگئے تھے۔

Spread the love
  • 5
    Shares

Comments

comments

اپنا تبصرہ بھیجیں