پنجاب فوڈ اتھارٹی نے انڈوں کا کاروبار کرنیوالوں کو معیار بہتر کرنے کیلئے تین ماہ کی ڈیڈلائن دے دی

پنجاب فوڈ اتھارٹی نے انڈوں کا کاروبار کرنیوالوں کو

لاہور:  پنجاب فوڈ اتھارٹی نے خراب انڈوں کے کاروبار کی بڑھتی ہوئے شکایات کے پیش نظر انڈوں کا کاروبار کرنیوالوں کو معیار بہتر کرنے کے لئے تین ماہ کی ڈیڈلائن دے دی ہے اور اس حوالے سے یکم اپریل کی ڈیڈ لائن مقرر کرتے ہوئے مقررمدت کے بعد ہدایات پر عمل نہ کرنے کی صورت میں سخت قانونی کاروائی کرنے کی وارننگ بھی جاری کی ہے۔
تفصیلات کے مطابق ڈائریکٹر جنرل پنجاب فوڈ اتھارٹی نورالامین مینگل کے دفتر سے جاری ہونے والی وارننگ کے مطابق پنجاب فوڈ اتھارٹی نے پیور فوڈ ریگولیشنز 2017 کے مطابق انڈوں کو ایسی جگہ پر محفوظ کرنے کی ہدایات جاری کی ہیں جہاں درجہ حرارت25 ڈگری سینٹی گریڈ سے کم ہو۔

loading...

اس کے علاوہ انڈوں کے اوپر تاریخ تنسیخ  بھی واضح طور پرلکھی جائے۔انڈوں کا ٹرے صاف ،خشک جگہ پر رکھنے اور تیز روشنی سے بچانے کی ہدایات بھی جاری کی گئی ہیں۔وارننگ میں مزید کہا گیا ہے کہ انڈوں کا چھلکا صاف اور ٹوٹا ہوا نہ ہو۔پنجاب فوڈ اتھارٹی کی جانب سے رعائتی مدت برائے اصلاح معیار3 مہینے مقرر کی ہے جو 30مارچ2018 کو حتم ہو جائے گی ۔اس حوالے سے ڈائریکٹر جنرل پنجاب فوڈ اتھارٹی نورالامین مینگل کا کہنا تھا کہ خراب انڈوں کے کاروبار کی بڑھتی ہوئے شکایات کے پیش نظر یہ قدم اٹھایا گیا ہے۔ مقرر مدت کے بعد ہدایات پر عمل نہ کرنے کی صورت میں پنجاب فوڈ اتھارٹی سخت قانونی کاروائی عمل میں لائے گی۔

Spread the love

Comments

comments

اپنا تبصرہ بھیجیں