سندھ کے وزرا اور افسران کا لگژری گاڑیاں واپس کرنے سے انکار

لگژری گاڑیاں

کراچی: چیف سیکرٹری کے تین دن کے الٹی میٹم کے باوجود ایک بھی گاڑی واپس نہ مل سکی، محکمہ جنرل ایڈمنسٹریشن نے گاڑیوں کی تحویل پر قانونی راستے تلاش کرنے شروع کر دیے۔

ذرائع کے مطابق سندھ کے وزرا اور سرکاری افسران نے لگژری گاڑیاں واپس دینے سے انکار کر دیا ہے، کمشنرز اور ڈپٹی کمشنرز بھی گاڑیاں واپس کرنے کو تیار نہیں ہیں۔ وزرا اور افسران نے موقف اختیار کیا ہے کہ وہ بُلٹ پروف گاڑیاں حفاظت کیلئے استعمال کرتے ہیں۔

ذرائع کا کہنا ہے کہ محکمہ جنرل ایڈمنسٹریشن نے گاڑیوں کی تحویل پر قانونی راستے تلاش کرنے شروع کر دیے ہیں۔ اعداد وشمار کے مطابق وزیرِاعلیٰ سندھ کے پاس دس بُلٹ پروف اور آٹھ لگژری گاڑیاں ہیں۔ سندھ پولیس کے پاس اٹھاون لگژری اور تین بلٹ پروف گاڑیاں ہیں۔ گورنر سندھ کے پاس چھ لگژری اور ایک بلٹ پروف گاڑی ہے۔

یاد رہے کہ چیف سیکرٹری نے تین دن کے اندر تمام لگژی اور بلٹ پروف گاڑیاں واپس کرنے کے احکامات جاری کیے لیکن الٹی میٹم کے باوجود ایک بھی گاڑی واپس نہیں مل سکی ہے۔

Comments

comments

مزید پڑھیں۔  سوناکشی سنہا’دبنگ 3‘میں ایک بار پھر رجو کا کردار ادا کریں گی ۔

اپنا تبصرہ بھیجیں