ایشین ٹور اوپن گالف چیمپئن شپ، پاکستانی کھلاڑی کی سبقت

ایشین ٹور اوپن
loading...

کراچی: ایشین ٹور اوپن گالف چیمپئن شپ کا پہلا روز مکمل ہوگیا، پاکستان کے احمد علی بیگ اور تھائی گالفر نوم چوک مشترکہ طور پر سبقت قائم کرنے میں کامیاب رہے۔

تفصیلات کے مطابق کراچی گالف کورس میں کھیلے جانے والے ایشین ٹور گالف چیمپئن شپ کے پہلے روز مختلف ممالک سے شرکت کرنے والے گالفرز کے درمیان بھرپور مقابلہ ہوا۔

ایمیچر کیٹیگری میں احمد بیگ اور تھائی گالفر نے شاندار کارکردگی دکھائی، دونوں نے پانچ انڈر پار کے ساتھ باہتر کا اسکور بورڈ پر سجایا۔

پاکستان ہی کے معروف گالفر شبیر اقبال اور بھارتی گالفر ہنی بسویا کے درمیاب بھی کانٹے کا مقابلہ رہا، دونوں مشترکہ طور پر تیسری پوزیشن حاصل کرسکے۔

چار روزہ ایونٹ میں ایٹ ٹین ہولز کے مقابلے ہورہے ہیں، غیرملکی گالفرز نے ایشین ٹور کے انعقاد کو خوش آئند قرار دیا ہے، ایونٹ کا فائنل اور اختتامی تقریب چودہ اکتوبر کو ہوگی۔

کراچی گالف کلب کھیلے جانے والے ایشین ٹور اوپن گالف چیمپیئن شپ میں پاکستان سمیت اٹھارہ ممالک کے ایک سو بیس گالفرز مختلف کیٹیگری کے مقابلوں میں حصہ لے رہے ہیں۔

میگا ایونٹ کی انعامی رقم تین لاکھ ڈالر ہے۔ بھارت کے پروفیشنل گالفروجے سنگھ، ہنی بسیوا اور چراغ کمار بھی ایکشن میں دکھائی دیں گے۔

Spread the love
  • 7
    Shares

Comments

comments

اپنا تبصرہ بھیجیں