پیپلز پارٹی ہرطبقےسے تعلق رکھنے والی سیاسی پارٹی ہے، آصف علی زرداری

آصف علی زرداری
loading...

معاشی طور مضبوط اور مستحکم پاکستان ہمارا مشن ہے

اسلام آباد: سابق صدر آصف علی زرداری نے کہا ہے پاکستان پیپلز پارٹی ہر طبقے سے تعلق رکھنے والی سیاسی پارٹی ہے ۔ صنعتکار اور بزنس مین بھی ملک کی خدمت میں اپنا حصہ ڈال رہے ہیں۔

لاہور میں ممتاز بزنس مین اور ایپٹما کے سابق چیئرمین گوہر اعجاز کی طرف سے دی گئی افطار ڈنر میں شرکت کے دوران گفتگو کرتے ہوئے آصف علی زرداری نے کہا پاکستان پیپلز پارٹی کی حکومت نے ٹیکسٹائل کے شعبہ کی حوصلہ افزائی اور بھرپور کوشش کی کہ پاکستان کی مصنوعات عالمی منڈی میں بھی میسر ہوں۔

سابق صدر نے کہا کہ میں نے عالمی رہنماں سے ملاقات کے دوران صرف اس بات پر زور دیا کہ پاکستان کو عالمی منڈی تک رسائی میں مدد کریں ۔

آصف زرداری نے کہا پاکستان پیپلز انتخابات کے میدان میں ہے اگر عوام نے مینڈیٹ دیا اور پیپلز پارٹی اقتدار میں آئی تو صنعتکار اور بزنس مینوں کی حوصلہ افزائی کریگی۔

آصف علی زرداری نے کہا معاشی طور مضبوط اور مستحکم پاکستان ہمارا مشن ہے ۔ آصف زرداری نے کہا کہ پیپلز پارٹی نے اقتصادی راہداری دی اس کا خاکہ دیا اس خاکہ کے تحت نیک نیتی سے کام کرنے سے پاکستان اقتصادی طور مضبوط ہوگا۔

Comments

comments

مزید پڑھیں۔  شوق سے بھی کبھی سگریٹ نوشی نہ کریں ورنہ عادی ہو جائیں گے!

اپنا تبصرہ بھیجیں