اسلام آباد ہائی کورٹ کے جج جسٹس شوکت عزیز صدیقی کا پولیس کو ڈیڑھ سال سے لاپتہ بچیوں کی بازیابی کا حکم

اسلام آباد: اسلام آباد ہائی کورٹ کے جج جسٹس شوکت عزیز صدیقی نے پولیس کو ڈیڑھ سال سے لاپتہ بچیوں کی ہر حال میں بازیابی کا حکم دے دیا ہے۔اسلام آباد ہائی کورٹ کے جج جسٹس شوکت عزیز صدیقی نے ڈیڑھ سال سے لاپتہ سمعیہ اور ادیبہ کی بازیابی کیلئے دائر درخواست کی سماعت کی ٗایس ایس پی ساجد کیانی اور سیکرٹری داخلہ ذاتی حیثیت میں عدالت میں پیش ہوئے۔ عدالت کے استفسار پر پولیس حکام نے کہا کہ پولیس پوری کوشش کر رہی ہے جلد بچیوں کو بازیاب کروا لیں گے۔پولیس کے جواب پر جسٹس شوکت عزیز صدیقی نے ریمارکس دیئے افسوس ہے کہ اسلام آباد پولیس تاحال بچیوں کو بازیاب نہیں کرا سکی، پولیس کی کوششوں میں تڑپ نظر نہیں آرہی، سمجھ لیں دونوں بچیاں میری اپنی بیٹیاں ہیں، یہ بات ذہن نشین کر لیں کہ ہمیں بچیاں ہر حال میں چاہئیں۔ جس پر ڈپٹی اٹارنی جنرل نے کہا کہ وہ بچیاں ہماری بھی بیٹیاں ہیں اب آپ کو ان کی بازیابی میں تڑپ بھی نظر آئیگی عدالت نے کیس کی سماعت 31 جنوری تک ملتوی کردی

Spread the love

Comments

comments

اپنا تبصرہ بھیجیں