الیکشن کمیشن نے الیکشن 2018 کی تیاریاں شروع کردیں ٗانتخابی فہرستوں پر نظر ثانی کا آغاز

الیکشن کمیشن
loading...

اسلام آباد: الیکشن کمیشن نے 2018 کے عام انتخابات کی تیاریاں شروع کردیں جس کیلئے انتخابی فہرستوں پر نظرثانی آغاز کر دیاگیا الیکشن کمیشن کے مطابق 2018 کے انتخابات کے لئے پہلے مرحلے میں تصدیقی عمل مکمل کیا جائیگا جس کے دوران رائے دہندگان انتخابی فہرستوں میں اندراج، منتقلی یا درستگی کروا سکیں گے۔الیکشن کمیشن کے مطابق وفات پاجانے والے 9 لاکھ 23 ہزار 947 ووٹرز کو انتخابی فہرستوں سے حذف کیا جائے گا اور تصدیقی عمل کے بعد 73 لاکھ 60 ہزار 279 افراد کو بطور ووٹر درج کیا جائے گا۔الیکشن کمیشن کے مطابق دوسرے مرحلے میں تمام انتخابی فہرستوں کو ہر مقرر کردہ سینٹرز میں آویزاں کیا جائیگا جبکہ نظر ثانی کے بعد انتخابی فہرستوں میں درج رائے دہندگان کی تعداد 10کروڑ 40 لاکھ سے تجاوز کر جائے گی۔الیکشن کمیشن نے محکمہ شماریات سے حالیہ مردم شماری کے ڈیٹا سمیت تمام ریکارڈ چاروں صوبوں کے 137 اضلاع اور حلقہ بندیوں کے لئے بنائی گئی پانچ کمیٹیوں کو فراہم کر دیا ہے جبکہ ضلعی اور ریجنل دفاتر حلقہ بندیوں کی کام کی تکمیل تک کھلے رہیں گے۔رپورٹ کے مطابق حلقہ بندیوں کا پہلا مرحلہ تین مارچ کومکمل کیا جائے گا جبکہ حلقہ بندیوں کا ابتدائی ڈیٹا ضلعی دفاتر میں تین اپریل تک آویزاں کر دیا جائے گا جس پر عوام ایک ماہ تک اپنے اعتراضات دائر کر سکیں گے جنہیں الیکشن کمیشن تین مئی تک سنے گا او رتمام اعتراضاات کو نمٹانے کے بعد حلقہ بندیوں کا نوٹیفکیشن جاری کر کے سابقہ حلقہ بندیوں کو کالعدم قرا ردیدیا جائے گا

Spread the love

Comments

comments

اپنا تبصرہ بھیجیں