شہزادہ ہیری اور میگھن مرکل کے ہاں ننھے مہمان کی آمد متوقع

لندن: برطانوی شہزادہ ہیری اور میگھن مرکل کے ہاں ننھے مہمان کی آمد متوقع ہے۔

برطانوی شاہی محل نے سماجی رابطے کی ویب سائٹ ٹویٹر پر شہزادہ ہیری اور میگھن مرکل کے ہاں ننھے مہمان کی آمد کی تصدیق کرتے ہوئے کہا ہے کہ نوبیہاتا جوڑے کے ہاں 2019 میں موسم بہار تک بچے کی پیدائش متوقع ہے۔

شاہی محل کی جانب سے تصدیق کیے جانے کے بعد دنیا بھر میں موجود مداحوں نے خوشی کا اظہار کرتے ہوئے شہزادہ ہیری اور میگھن مرکل کو مبارک باد پیش کی۔

دوسری جانب شہزادہ ہیری اور میگھن مرکل آسٹریلیا پہنچ گئے ہیں، ڈیوک اور ڈچز آف سسیکس شادی کے بعد پہلے غیر ملکی دورے پر آسٹریلیا پہنچے ہیں۔

نیو ساؤتھ ویلز کے پریمیئر نے جوڑے کا استقبال کیا، 16 روزہ دورے میں ہیری گیمز اور مختلف تقریبات میں شرکت کریں گے، شہزادہ ہیری اور میگھن مرکل فیجی، ٹونگا اور نیوزی لینڈ کا بھی دورہ کریں گے۔

Spread the love
  • 12
    Shares

Comments

comments

اپنا تبصرہ بھیجیں