سلمان خان جیل جانے کے متعلق سوال کرنے والے صحافی پر بھڑک اٹھے

سلمان خان

سلمان خان کو کالے ہرن شکار کیس میں 5 سال قید اور10 ہزار روپے جرمانہ ہواتھا

ممبئی:بالی ووڈ کے دبنگ اداکار سلمان خان جیل جانے کے حوالے سے پوچھے گئے سوال کا جواب دینے کے بجائے الٹا صحافی پر ہی بھڑک اٹھے۔

گزشتہ روز سلمان خان کی فلم’ریس 3‘کے ٹریلر لانچنگ تقریب کے دوران صحافی نے سلمان خان سے کالے ہرن شکار کیس سے متعلق سوال کرتے ہوئے کہا کہ آپ پر پروڈیوسرز کے کروڑوں روپے لگے ہوئے ہیں لہٰذا اگر آپ کو اس کیس میں جیل ہوجاتی تو پروڈیوسرز کا کیا ہوتا کیا آپ اس حوالے سے پریشان تھے۔

اس سوال کا جواب دینے کے بجائے سلمان صحافی پر بھڑک اٹھے اور الٹا صحافی سے سوال کیا’’آپ کیا سوچ رہے ہیں کیا میں ہمیشہ کیلئے جیل جانے والا ہوں؟‘‘۔ جس پر صحافی نے کہا نہیں۔ صحافی کے جواب دینے پر سلمان نے کہا شکریہ میں اس بارے میں بالکل بھی پریشان نہیں ہوں۔

اس سے پہلے کہ صحافی سلمان خان کو جواب دیتا تقریب کے میزبان نے درمیان میں مداخلت کرکے کالے ہرن شکار کیس ، جودھ پور عدالت اورسلمان خان کو ہونے والی سزا سے متعلق کسی بھی قسم کا سوال کرنے سے منع کرتے ہوئے کہا اس حوالے سے کوئی سوال نہیں کیا جائے گا۔

واضح رہے کہ ریس سیریز کی تیسری فلم ’ریس3‘ کا گزشتہ روز پہلا ٹریلر جاری کیا گیا جسے لوگوں کی جانب سے بے حد پسند کیا جارہا ہے۔ فلم میں سلمان خان کے علاوہ دیگر کاسٹ میں اداکار انیل کپور، ثاقب سلیم، بوبی دیول، جیکولین فرننڈس اور ڈیزی شاہ شامل ہیں جب کہ فلم 15 جون کو ریلیز کی جائے گی۔

مزید پڑھیں۔  پڑھیے فلمسٹار میرا نے خود اعتمادی کا ریکارڈ ہی توڑ دیا

Comments

comments

اپنا تبصرہ بھیجیں