حضرت بہاؤ الدین ذکریا ملتانیؒ کے 779 ویں عرس کی تقریبات جاری

حضرت بہاؤ الدین ذکریا ملتانیؒ
loading...

بر صغیر پا ک و ہند کے عظیم روحانی پیشوا، شیخ الاسلام حضرت بہاؤ الدین ذکریا ملتانیؒ  کے 779 ویں سالانہ تین روزہ عرس کی تقریبات  کا آج تیسرا روز ہے ۔

تقریبات کا آغاز عرس کے پہلے روز درگاہ کے سجادہ نشین مخدوم شاہ محمود حسین قریشی نے مزار کے غسل اور چادر پوشی سے کیا تھا۔

بعد ازاں محکمہ اوقاف اور پاکستان زکریا اکیڈمی کے اشتراک سے سالانہ قومی زکریا کانفرنس کی پہلی نشست مخدوم شاہ محمود حسین قریشی کی صدارت میں منعقد ہوئی۔

عرس کے دوسرے روز قومی زکریا کانفرنس کی دوسری نشست جبکہ رات کو محفل سماع منعقد ہو ئی۔

تیسرے اور آخری منعقد ہونے والی اختتامی تقریبات میں درگاہ حضرت موسیٰ پاک شہید کے سجادہ نشین مخدوم سید وجاہت حسین گیلانی، امیر جماعت اہل سنت پاکستان علامہ سید مظہر سعید کاظمی، درگاہ حضرت خواجہ غلام فرید کے سجادہ نشین خواجہ معین الدین محبوب کوریجہ، گڑھی شریف کے سجادہ نشین خواجہ غلام قطب الدین فریدی، جماعت اہل سنت پاکستان کے مرکزی چیف آرگنائزر پیر خالد سلطان قادری، خطیب داتا دربار مفتی محمد رمضان سیالوی اور ملک بھر سے دیگر علماء و مشائخ شرکت کریں گے۔

دریں اثناء سالانہ عرس کی تقریب میں شرکت کے لیے ملک بھر سے زائرین کی ملتان آمد کا سلسلہ شروع جاری ہے اب تک ہزاروں کی تعداد میں زائرین ملتان پہنچ چکے ہیں۔

جنہوں حاجی کیمپ، زکریا کمپلیکس، دربارحضرت غوث بہاؤ الدین زکریا ملتان کے احاطے سمیت مختلف سکولوں میں رہائش اختیار کر لی ہے۔

رات گئے تک ٹرینوں اور بسوں کے ذریعے زائرین ملتان پہنچتے رہے ہیں جس کا سلسلہ آج بھی جاری رہے گا۔
محکمہ اوقاف ملتان زون کے مطابق عرس کی تقریبات میں شرکت کرنے کے لیے آنے والے زائرین کے لیے وسیع انتظامات کیے گئے ہیں۔

Spread the love

Comments

comments

اپنا تبصرہ بھیجیں