فلم ” کچھ کچھ ہوتا ہے” کی ریلیز کو 20 سال مکمل

کچھ کچھ ہوتا ہے

ممبئی:  بالی وڈ کی سپر ہٹ فلم ’کچھ کچھ ہوتا ہے، نے 20 برس مکمل کر لیے ہیں، جس کا جشن گزشتہ روز ہدایت کار کرن جوہر سمیت فلم کی کاسٹ نے بھرپور انداز میں منایا۔

اس موقع پر فلم میں مرکزی کردار نبھانے والے شاہ رخ خان، کاجول اور رانی مکھر جی سمیت متعدد بالی وڈ ستاروں نے بھی شرکت کی جن میں نیہا دھوپیا، ابھیشیک بچن، جانھوی کپور، ایشان اور ورون دھون بھی شامل تھے۔

loading...

واضح رہے کہ ’کچھ کچھ ہوتا ہے‘ کے سیکوئل کی کاسٹ کا اعلان کرن جوہر پہلے ہی ایک انٹرویو میں کرچکے ہیں۔ اس فلم کے مرکزی کردار میں رنبیر کپور، عالیہ بھٹ اور جانھوی کپور جلوہ گر ہوں گے۔

لیکن اب تک یہ بات واضح نہیں ہوئی کہ جس طرح فلم میں سلمان خان کی انٹری ہوئی تھی، ریمیک میں یہ کردار کون کرے گا۔  تاہم  قیاس آرائیاں ہیں کہ سلمان خان کا کردار ممکنہ طور پر ورون دھون ادا کریں گے۔

ورون دھون نے بھی فلم کے 20 برس مکمل ہونے کے جشن میں شرکت کی۔ اس موقع پر انہوں نے بتایا کہ فلم میں سلمان خان کے کردار نے انہیں اسٹار بننے کے لیے متاثر کیا تھا۔

Spread the love

Comments

comments

اپنا تبصرہ بھیجیں