مقبوضہ کشمیرمیں بھارتی فوج کی فائرنگ، 4 کشمیری شہید

مقبوضہ کشمیر

سری نگر: قابض بھارتی فورسز نے مقبوضہ کشمیر کےعلاقے شوپیاں میں فائرنگ کرکے 4 کشمیری نوجوانوں کو شہید کردیا۔

تفصیلات کے مطابق مقبوضہ کشمیر کے ضلع شوپیاں میں بھارتی فورسز نے سرچ آپریشن کے دوران 4 کشمیری نوجوانوں کو شہید کردیا۔

کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوانوں کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

loading...

حریت رہنماؤں کی جانب سے ہڑتال کی کال دے رکھی ہے، دکانیں، کاروباری مراکزاورتعلیمی ادارے بند اور ٹرانسپورٹ معطل ہے۔

قابض بھارتی فورسز نے گزشتہ ماہ 24 اکتوبرکو مقبوضہ کشمیر کے علاقے سری نگر میں فائرنگ کرکے 2 کشمیریوں کو شہید کردیا تھا۔

یاد رہے کہ 9 اکتوبر کو پاکستانی سفیرملیحہ لودھی کا کہنا تھا کہ مقبوضہ کشمیرمیں منظم اندازمیں بنیادی حقوق کی خلاف ورزیاں جاری ہیں، بھارت مقبوضہ کشمیرمیں بلا روک ٹوک انسانی حقوق پامال کررہا ہے۔

Spread the love

Comments

comments

اپنا تبصرہ بھیجیں