پیمرا کو ساحر لودھی کے خلاف قانونی کاروائی کا حکم، ہائی کورٹ نے تحریری فیصلہ جاری کر دیا

ساحر لودھی کے خلاف قانونی کاروائی

ہائی کورٹ نے ساحر لودھی کے مارننگ شو میں کم عمر بچیوں کے ناچ گانے پر پابندی کے لیے دائر درخواست نمٹاتے ہوئے پیمرا کو بھجوا دی اور  قانون کے مطابق کارروائی کرنے کا حکم دیا ہے۔

نجی ٹی وی کے مطابق لاہور ہائی کورٹ نے مارننگ شوز میں کم عمر بچیوں کے ناچ گانے پر پابندی کے لیے دائر درخواست کی سماعت نمٹاتے ہوئے پیمرا کو بھجوادی اور تحریری  فیصلہ جاری کرتے ہوئے نگراں ادارے کو حکم دیا کہ درخواست گزار کو سن کر قانون کے مطابق کاروائی عمل میں لائی جائے۔

واضح رہے کہ چند دن پہلے سوشل میڈیا پر ساحر لودھی کے مارننگ شو کی ایک وڈیو شیئر کی جاری تھی جس میں ایک کم عمر بچی کو ڈانس کرتے ہوئے دیکھا جا سکتا تھا۔ اس ویڈٰیو کو لوگوں نے ناپسند کیا تھا اور کم عمر بچیوں کے ڈانس کی حوصلہ شکنی کی تھی۔ اسی حوالے سے ایک شہری نے لاہور ہائی کورٹ میں ایک درخواست دائر کی، درخواست گزار نے موقف اختیار کیا تھا کہ ساحر لودھی کے پروگرام میں کم عمر بچیوں کے ناچ گانے کے مقابلے دکھائے جاتے ہیں، کم عمر بچیوں کا رقص نشر کرنے سے معاشرہ بے راہ روی کا شکار ہورہا ہے جس سے قصور جیسے واقعات جنم لے رہے ہیں۔

درخواستگزار نے موقف اختیار کرتے ہوئے کہا تھا کہ پیمرا ایسے پروگراموں کی نشریات کی روک تھام کے لیے کوئی اقدامات نہیں کررہا، عدالت پیمرا کو ساحرلودھی کے پروگرام میں کم عمر لڑکیوں کے ناچ گانے نشر کرنے پر پابندی کا حکم دے۔

Spread the love

Comments

comments

اپنا تبصرہ بھیجیں