اللہ ایک ہے ٗمذہب کے نام پر سیاست کرنا ٹھیک نہیں ٗاکشے کمار

اکشے کمار

بالی وڈ دنیا کی واحد ایسی فلم انڈسٹری ہے جو سب سے زیادہ سیکولر ہے ٗ ادا کارکی گفتگو
ممبئی: بالی وڈ ادا کار اکشے کمار نے کہا ہے کہ اللہ ایک ہے ٗمذہب کے نام پر سیاست کرنا ٹھیک نہیں۔ بالی ووڈ کی آنے والی متنازع فلم نانک شاہ فقیر کے ٹریلر جاری کیے جانے کے موقع پر اکشے کمار نے میڈیا سے بات کرتے ہوئے کہا کہ ان کا عقیدہ ہے کہ اللہ ایک ہے اور مذہب کے نام پر سیاست کرنا ٹھیک نہیں۔ اکشے کمار نے گرو نانک شاہ کی زندگی پر بننے والی فلم کے حوالے سے کہا کہ انہوں نے یہ فلم 2 بار دیکھی ہے ٗ پہلی بار انہوں نے یہ فلم اپنی والدہ جب کہ دوسری بار تنہائی میں دیکھی۔جب ان سے سوال کیا گیا کہ کیا تمام بھارتی سیاستدانوں کو گرو نانک کے فلسفے کو اپنا کر اپنا ووٹ بینک بڑھاناچاہیے جس پرانہوں نے کہاکہ ان کا عقیدہ ہے کہ اللہ ایک ہے اور اس کا یا مذہب کا نام سیاست میں استعمال کرنا کسی طرح بھی ٹھیک نہیں۔کھلاڑی ہیرو نے کہا کہ گرو نانک کی زندگی پربنی فلم ’نانک شاہ فقیر‘ میں بھی یہی پیغام دیا گیا ہے۔نیشنل ایوارڈ یافتہ اداکار کا کہنا تھا کہ بالی وڈ دنیا کی واحد ایسی فلم انڈسٹری ہے جو سب سے زیادہ سیکولر ہے۔خیال رہے کہ سکھوں کے روحانی پیشوا گرو نانک کی زندگی پر بنی فلم کو آئندہ ماہ 13 اپریل کو ریلیز کیا جائے گا۔اگرچہ اس فلم کو ریلیز کرنے سے قبل ہی کئی عالمی فلم فیسٹیول میں پیش کیا جاچکا ہے تاہم اسے بھارت سمیت دنیا بھر میں آئندہ ماہ ریلیز کیا جائیگا۔

Spread the love

Comments

comments

اپنا تبصرہ بھیجیں