پاکستان ویمنز ٹیم کی سابق کپتان ثنا میر کا عالمی ریکنگ میں پہلا نمبر

ثنا میر

کراچی: پاکستان ویمنز ٹیم کی سابق کپتان اور باؤلر ثنا میر نے کہا ہے کہ ہمارے معاشرے میں بڑھتی عمر پر تنقید کا نشانہ بنایا جاتا ہے، عالمی ریکنگ میں نمبر ون آنے پر اللہ کا شکر ادا کرتی ہوں۔

ثنا میر کا کہنا تھا کہ ہمارے ماحول میں بڑھتی عمر کو تنقید کا نشانہ بنایا جاتا ہے، ایسی صورت حال میں کارکردگی خاصی مشکل ہوتی ہے۔
اُن کا کہنا تھا کہ مارک کولز کی کوچنگ سے کافی فائدہ ملا، میری فٹنس اور فارم میں رہنے کی وجہ اسکلز میں بہتری ہے جس کا سہرا ساتھی کھلاڑیوں کو بھی جاتا ہے۔

ثنا میر کا کہنا تھا کہ ویمنز ورلڈ ٹی ٹوئنٹی کا انعقاد اگلے ماہ ویسٹ انڈیز میں ہوگا، ہماری ٹیم میں بہترین اسپنرز شامل ہیں، کوشش ہوگی کہ حریف ٹیموں کو اسی کے ذریعے دباؤ میں رکھیں، ہمیں بیٹنگ میں وہی پرفارمنس دکھانی ہوگی جیسے آسٹریلیا کے خلاف دکھائی۔

سابق کپتان کا کہنا تھا کہ ’جب ہماری پرفارمنس ٹیم کے کام آئے تب ہی ہم اچھے باؤلر بن سکتے ہیں‘۔
یاد رہے کہ انٹرنیشنل کرکٹ کونسل نے خواتین کھلاڑیوں کی ون ڈے رینکنگ جاری کی، فہرست میں پاکستان کی دو خواتین کھلاڑی ابتدائی تین میں سے دو پوزیشنز حاصل کرنے میں کامیاب رہیں۔
ویمنز کرکٹ ٹیم کی سابق کپتان ثنا میر 663 پوائنٹس کے ساتھ دنیا کی پہلی باؤلر بنیں، انہوں نے 108 ون ڈے میچز

میں 1 ہزار 4 سو 91 رنز بنا بنائے اور 127 وکٹیں حاصل کیں۔
دوسری جانب دوسری طرف ٹی 20 بولرز کی رینکنگ میں پاکستان ویمن ٹیم کی ایک اور کھلاڑی انعم امین بھی

شامل ہیں جو تیسرے پوزیشن حاصل کرنے میں کامیاب رہیں۔

واضح رہے کہ سنہ 2005 میں سری لنکا کے خلاف اپنے کرکٹ کیریئر کا آغاز کرنے والی ثنا اب تک 108 ون ڈے میچز کھیل چکی ہیں۔

loading...
Spread the love
  • 1
    Share

Comments

comments

اپنا تبصرہ بھیجیں