گول گپے ۔ ایک سوغات، کئی نام۔

گول گپے
loading...

گول گپے  “Gol Gappay” بچوں بڑوں اور خواتین میں یکساں مقبول ہیں۔ برصغیر میں گول گپے کو فاسٹ فوڈ کی ابتدائی ترین قسم کہنا غلط نا ہوگا۔ گول گپے دنیا بھر میں اور خاص تور  پر انڈیا اور پاکستان میں مختلف ناموں سے مشہور ہیں۔
1۔ گول گپے
مصالحہ دار آلوؤں کے مرکب سے بھری پھلکیاں یا پاپڑی کو ہم گول گپے کہتے ہیں۔ گول گپے بھرنے کے بعد ان کے اوپر اِملی کی چٹنی ڈالی جاتی ہے اور ساتھ میں امبلی کا کھٹا اور میٹھا ہوتا ہے۔ گول گپے انڈیا کے بعض شہروں میں بھی گول گپوں ہی کے نام سے مشہور ہیں۔ لیکن ذائقے اور تیار کرنے کے طریقہ کار میں تھوڑا فرق ہے۔ شمالی انڈیا میں گول گپے میں اسی نام سے جانے جاتے ہیں۔ لیکن انڈیا میں گول گپوں میں ابلے آلو اور بیسن کا آمیزہ بھرا جاتا ہے اور ساتھ میں پودینہ اور دیگر مصالحے ملا کھٹا پانی ہوتا ہے۔
2۔ پانی پوری
انڈٰیا اور دنیا کے مخلتف حصوں میں گول گپوں کا نام پانی پوری ہے۔ انڈٰیا کی ریاست مہاراشٹر، گجرات، مدہیا پردیش، کرناٹکا اور تامل ناڈو میں گول گپوں کو پانی پوری کہا جاتا ہے اوریہی نام نیپال میں بھی ہے۔ لیکن ان تمام علاقوں میں پانی پوری کا نام ایک جیسا ہونے کے باوجود ذائقہ میں فرق پایا جاتا ہے۔ جبکہ ان کے اجزائے ترکیبی میں بھی فرق ہوتا ہے۔ کچھ علاقوں میں گول گپوں کے ساتھ صرف املی اور چٹنی ہوتی ہے۔ لیکن بعض علاقوں میں آلوؤں کا بھرتہ بھر کر بھی پیش کیئے جاتے ہیں۔

گول گپے
پانی پوری ہو یا گول گپے ۔۔ بات تو ایک ہی ہے پر ہے مزے کی

3۔ پُچکا
گول گپوں کا پانی پوری کے بعد ایک نام پُچکا ہے جو مشرقی انڈٰیا یعنی مغربی بنگال اور آسام میں مشہور ہے۔ پُچکا ذائقہ اور اجزائے ترکیب پانی پوری سے بلکل مختلف ہیں اور پاکستان میں استعمال ہونے والے گول گپوں کے زیادہ قریب ہیں۔ پُچکا میں ابلے ہوئے چنے اور آلوؤں کا مرکب بھرا جاتا ہے اور ساتھ میں کھٹا پانی اور کھٹی چٹنی ہوتی ہے اور یہ سائز میں بھی پانی پُوری سے بڑئے ہوتے ہیں۔
4۔ پکوڑی
انڈٰیا کی ریاست گجرات میں پانی پوری کو پکوڑی کے نام سے جانا جاتا ہے۔ پکوڑی کا ذائقہ اور تیار کرنے کا طریقہ کار بھی تقریبا پانی پوری کے جیسا ہی ہے۔ لیکن پکوڑی کے ساتھ میٹھی چٹنی کا استعمال نہیں کیا جاتا۔ بلکہ اس کی جگہ پیاز کا استعمال کیا جاتا ہے اور کھٹا پانی قدرے کھٹا ہوتا ہے۔ جس میں پودینے اور مرچوں کا استعمال زیادہ ہوتا ہے۔

گول گپے

5۔ پانی کے پتاشے
انڈٰیا کی ریاست ہریانہ میں پانی پُوری کو پانی کے پتاشے کہا جاتا ہے اور اس کے ذائقے اور تیار کرنے کے طریقے میں کوئی فرق نہیں۔
6- پتاشی
راجھستان میں پانی پوری کو پانی کے بتاشے یا پتاشی کہا جاتا ہے۔ راجھستان میں گول گپے یا پتاشی کو آلوؤں اور بیسن وغیرہ سے ہی بھرا جاتا ہے۔ لیکن کٹھے پانی کو بنانے کا طریقہ تھوڑا مختلف ہے۔
7۔ گپ چپ
گول گپے کا سب سے دلچسپ نام گپ چپ ہے۔ یہ نام انڈٰیا میں جنوبی جھارکھنڈ اور حیدر آباد میں لیا جاتا ہے۔ گول گپہ جب کھانے کے لیے منہ ڈالا جاتا ہے تو گول گپے کے ٹوٹنے اور منہ کے پانی سے بھر جانے پر جو آواز پیدا ہوتی ہے۔ وہ گپ چپ جیسی ہوتی ہے۔ اس لیے جنوبی جھار کھنڈ میں گول گپوں کو گپ چپ کہا جاتا ہے۔ گپ چپ کو زیادہ تر بیسن سے تیار کیا جاتا ہے اور ساتھ میں کھٹا پانی ہوتا ہے۔
8۔ پھلکی
انڈٰیا کی ریاست اتر پردیش کے مشرقی حصوں اور نیپال کے بعض علاقوں میں گول گپوں کو پھلکی کہا جاتا ہے۔ پھلکی کا ذائقہ اور تیاری تقریبا ویسے ہی ہوتی ہے جیسے ہمارے ہاں گول گپوں کی۔
9۔ ٹکی
ہمارے ہاں آلو کی ٹکی یا قیمے کی ٹکی کو ہی ٹکی کہا جاتا ہے۔ لیکن انڈیا کی ریاست مدھیا پردیش کے علاقے ہوشنگا آباد میں گول گپے کو ٹکی کہا جاتا ہے۔ یہاں صرف گول گپوں کو آلوؤں اور بیسن سے بھرا جاتا ہے اور ساتھ میں کھٹا پانی ہوتا ہے۔
10۔ پیڈکا
انڈٰیا میں گول گپے کو عام طور پر پانی پوری تو کہا ہی جاتا ہے لیکن انڈٰیا میں علی گڑھ اور ریاست اترپردیش میں گول گپے کو پیڈکا بھی کہا جاتا ہے۔

Spread the love

Comments

comments

اپنا تبصرہ بھیجیں