عمران خان چاہتے ہیں مسلمان ممالک میں تنازعات میں کمی ہو، فواد چوہدری

فواد چوہدری

اسلام آباد: وفاقی وزیر اطلاعات فواد چوہدری کا کہنا ہے کہ عمران خان چاہتے ہیں مسلمان ممالک میں تنازعات میں کمی ہو، پوری دنیا جانتی ہے کہ پاکستان اسلامی ممالک میں اہم ہے۔

ان خیالات کا اظہار انہوں نے میڈیا سے گفتگو کرتے ہوئے کیا، فواد چوہدری کا کہنا تھا کہ سعودی عرب اور یو اے ای میں نواز شریف کی اہمیت ختم ہوگئی۔

ان کا کہنا تھا کہ مسلم ممالک کے درمیان جو بھی تنازعات ہیں وہ بھی ختم ہونے چاہیئے، وزیر اعظم یہ ہی چاہتے ہیں۔
وفاقی وزیر اطلاعات کا سابق وزیر اعظم پر تنقید کرتے ہوئے کہنا تھا کہ متحدہ عرب امارات اور سعودی عرب میں نواز شریف کی اب کوئی اہمیت نہیں ہے۔

loading...

خیال ہے کہ گزشتہ روز فواد چوہدری نے کہا تھا کہ وزیراعظم عمران خان پاکستان کے لیے ایک بے مثال رہنما ہیں، عالم اسلام میں عمران خان کا تعارف نڈر، بے باک رہنما کے طور پر ہوا۔

وفاقی وزیر اطلاعات نے سعودی عرب سے واپس اسلام آباد پہنچنے پر سماجی رابطے کی ویب سائٹ ٹویٹر پر کہا تھا کہ عمران خان کا تعارف اصول پرست حکمران کے طور پر ہوا ہے۔

Spread the love
  • 5
    Shares

Comments

comments

اپنا تبصرہ بھیجیں