ایران میں 6.4 شدت کے زلزلے، سیکڑوں افراد زخمی

ایران
loading...

تہران : ایران میں 6.4 شدت کے زلزلے نے تباہی مچا دی، زلزلے کے نتیجے میں 100 سے زائد شہریوں کے زخمی ہونے کی اطلاعات تصدیق کی گئی ہے۔

تفصیلات کے مطابق ایران کے صوبے کرمنشاہ میں زلزلے کے شدید جھٹکے محسوس کیے گئے ہیں جس کے نتیجے میں کئی مکانات و عمارتیں متاثر ہوگئیں اور سیکڑوں افراد زخمی ہوئے ہیں۔ حکام کی جانب سے جاری کردہ بیان میں کہا گیا ہے کہ کرمنشاہ میں محسوس کیے جانے والے زلزلے کی شدت ریکٹر اسکیل پر 6.4 ریکارڈ کی گئی۔

ایران کے ادارے ارضیاتی طبعیات کا کہنا ہے کہ زلزلے کا مرکز سرپل ذھب سے 17 کلومیٹر جنوب مغرب میں تھا جس کی گہرائی 7 کلومیٹر تھی جبکہ امریکی جیولوجیکل سروے کے مطابق زلزلے کی شدت 6.3 اور گہرائی 10 کلومیٹر ریکارڈ کی گئی ہے۔

غیر ملکی خبر رساں ادارے کا کہنا ہے کہ زلزلے کے شدید جھٹکے محسوس ہونے کے بعد عوام کلمہ طیبہ کا ورد کرتی ہوئی گھروں سے باہر نکل آئی۔ غیر ملکی خبر رساں ادارے کا کہنا ہے کہ بیک وقت عراقی دارالحکومت میں بھی زلزلے کے جھٹکے محسوس کیے گئے ہیں۔

یاد رہے کہ گذشتہ بھی کرمانشاہ کے میں آنے والے 7.3 شدت زلزلے کے نتیجے میں 600 افراد ہلاک ہوئے تھے۔

خیال رہے کہ تین ماہ قبل بھی ایران میں 6.0 شدت کے زلزلے نے تباہی مچائی تھی، زلزلے کے نتیجے میں 2 ہلاک جبکہ 200 سے زائد شہریوں کے زخمی ہوئے تھے۔

Spread the love

Comments

comments

اپنا تبصرہ بھیجیں