دبئی ٹیسٹ: نیوزی لینڈ کی ٹیم 90 رنزبنا کرآؤٹ

نیوزی لینڈ

دبئی : پاکستان اور نیوزی لینڈ کے درمیان دبئی ٹیسٹ میچ کے تیسرے روز مہمان ٹیم 90 رنز بنا کر آؤٹ ہوگئی۔

تفصیلات کے مطابق دبئی انٹرنیشنل اسٹیڈیم میں پاکستان اور نیوزی لینڈ کے درمیان ٹیسٹ میچ کے تیسرے روز کا کھیل بارش کے باعث ایک گھنٹہ تاخیر سے 12 بجے شروع ہوا۔

نیوزی لینڈ نے 24 کے مجموعی اسکور سے اننگز کا آغاز کیا تو جیت راول 30 رنز اور ٹام لیتھم نے 50 رنز کا آغاز فراہم کیا۔

یاسر شاہ نے 31 رنز پرآؤٹ کیا اور پھر اگلے ہی اوور میں نیوزی لینڈ کے 3 کھلاڑیوں کو پویلین بھیج کر نیوزی لینڈ کے ٹاپ آرڈر کی کمرتوڑ دی۔

لیگ اسپنریاسر شاہ نے تباہ کن باؤلنگ کرتے ہوئے 41 رنز دے کر 8 وکٹیں حاصل کیں جس کے بعد پاکستان کو پہلی اننگز میں نیوزی لینڈ پر 328 رنز کی سبقت حاصل ہوگئی۔

اس سے قبل گزشتہ روز پاکستان نے ٹیسٹ میچ کے دوسرے روز اپنی پہلی اننگز 418 رنز 5 کھلاڑی آؤٹ پر ڈکلیئر کردی تھی، قومی ٹیم کی جانب سے حارث سہیل نے 147 اور بابراعظم نے 127 رنز بنائے تھے۔

پاکستان کی جانب سے اننگز ڈکلیئر کرنے کے بعد نیوزی لینڈ کے اوپننگ بلے باز جیت راول اور ٹام لیتھم نے محتاط انداز سے کھیلتے ہوئے 24 رنز بنائے تھے۔

loading...

Spread the love

Comments

comments

اپنا تبصرہ بھیجیں