عام اداکارہ سے سپرہٹ ببنے کیلئے سخت محنت اور لگن سے کام کیاہے‘کترینہ کیف

کترینہ کیف
loading...

کیریئر کے ابتدائی دنوں میں سخت دباؤ کا شکار بھی رہی‘ اس سارے سفر کو کتابی شکل دوں گی،انڈسٹری میں موجود لوگوں کے رویوں اور عمل سے بہت کچھ سیکھا

ممبئی :میگا بجٹ بولی وڈ فلم ’ٹھگس آف ہندوستان‘ کی شوٹنگ میں مصروف بار بی ڈول کترینہ کیف اپنے 15 سالہ فلمی کیریئر پر کتاب لکھنے کی خواہاں ہیں۔34 سالہ اداکارہ کے مطابق وہ اپنے فلمی کیریئر کی تمام مشکلاتوں، اتار، چڑھاؤ، کامیابیوں، ناکامیوں اور فلم انڈسٹری سے سیکھی گئی ہر ایک بات پر کتاب لکھنا چاہتی ہیں۔

ایک عام اداکارہ سے بولی وڈ کی سپر اسٹار بننے والی کترینہ کیف کے مطابق انہیں کیریئر کے ابتدائی دنوں میں تنقید کا نشانہ بنایا گیا، وہ سخت دباؤ کا شکار بھی رہی اور کترینہ کیف اس سارے سفر کو کتابی شکل دیں گی۔ انڈسٹری میں موجود لوگوں کے رویوں اور عمل سے بہت کچھ سیکھا اور انہیں جان کر انہوں نے انڈسٹری میں اچھی کامیابی حاصل کی۔

انڈسٹری میں پاؤں جمانے کے لیے سخت محنت اور لگن سے کام لیا۔بھارتی نشریاتی ادارے ’پریس ٹرسٹ آف انڈیا‘سے خصوصی بات کے دوران کترینہ کیف کا کہنا تھا کہ ہوسکتا ہے کہ وہ اپنے 15 سالہ فلمی کیریئر کے اتار، چڑھاؤ پر کتاب لکھیں۔

’عجب پریم کی غضب کہانی‘ اداکارہ سے جب سوال کیا گیا کہ فلم انڈسٹری میں کترینہ کیف نے کس طرح کامیابی حاصل کی، جب کہ یہ انڈسٹری ان کے لیے بلکل نئی تھی، جس پر اداکارہ نے جواب دیا کہ انہوں نے فلم انڈسٹری کو جاننے کے لیے خود پر محنت کی ہے۔

 2003 سے فلم ’بوم‘ سے کیریئر کی ابتداء کرنے والی کترینہ کیف نے اگرچہ 15 سالوں میں متعدد فلاپ فلمیں بھی دیں، تاہم ان کے کھاتے میں ’ٹائیگر زندہ ہے، عجب پریم کی غضب کہانی، ایک تھا ٹائیگر، جب تک ہے جاں، پارٹنر، ویلکم، ریس، دے دھنا دھن، زندگی نہ ملے گی دوبارہ، بینگ، بینگ، دھوم تھری، ہم کو دیوانہ کر گئے اور سنگھ ازکنگ‘ جیسی فلمیں بھی ہیں۔ان دنوں وہ اپنی آنے والی میگا بجٹ فلم ’ٹھگس آف ہندوستان‘ کی شوٹنگ میں مصروف ہیں۔اپنے 15 سالہ فلمی کیریئر کے اتار، چڑھاؤ پر بات کرتے ہوئے کترینہ کیف کا کہنا تھا کہ ابتداء سے ہی ان کا مقصد بولی وڈ میں خود کو منوانا تھا۔

Spread the love

Comments

comments

اپنا تبصرہ بھیجیں