بھارتی فورسز نے مزید 2 کشمیریوں کو شہید کردیا

سری نگر: مقبوضہ کشمیر میں بھارت کی ریاستی دہشت گردی جاری ہے، کلگام اور پلوامہ میں بھارتی فورسز نے سرچ آپریشن کے دوران مزید 2 کشمیریوں کو شہید کردیا۔

کشمیر میڈیا سروس کے مطابق مقبوضہ کشمیر کے ضلع کلگام اور پلوامہ میں قابض بھارتی فورسز نے سرچ آپریشن کے نتیجے میں 2 کشمیریوں کو شہید کردیا، شہادتوں کے خلاف کشمیری عوام سڑکوں پر نکل آئے جس کے بعد بھارتی فورسز کی جانب سے مظاہرین پر پیلٹ گنز اور آنسو گیس کی شیلنگ کی گئی۔ مقبوضہ کشمیر میں علاقے کی ناکہ بندی کرکے موبائل اور انٹرنیٹ سروس بند کردی گئی ہے، دوسری جانب حریت رہنماؤں کی کال پر شہادتوں کے خلاف وادی میں ہڑتال جاری ہے۔

loading...

واضح رہے کہ گزشتہ چند روز میں شہید کشمیریوں کی تعداد 22 ہوگئی ہے جبکہ بھارتی فورسز نے گھر گھر تلاشی کے دوران ایک گھر کو بھی آگ لگادی تھی۔ یاد رہے کہ دو روز قبل مقبوضہ کشمیر کے ضلع شوپیاں میں بھارتی فورسز نے سرچ آپریشن کے دوران 6 کشمیری نوجوانوں کو شہید کردیا تھا۔

کشمیری میڈیا کے مطابق 20 نومبر کو میرحفیظ اللہ کو ان کے گھر میں گھس کر فائرنگ کرکے قتل کردیا گیا تھا، ترجمان دفترخارجہ نے کشمیری رہنما میرحفیظ اللہ کے قتل کی شدید مذمت کرتے ہوئے کہا تھا کہ کشمیری رہنما کا قتل افسوس ناک ہے۔ یاد رہے کہ کشمیری رہنما میرحفیظ اللہ گزشتہ ماہ ہی بھارتی قید سے آزاد ہو کرپہنچے تھے اورانہیں مسلسل نامعلوم نمبرز سے دھمکی آمیز کالز موصول ہو رہی تھیں۔

Spread the love

Comments

comments

اپنا تبصرہ بھیجیں