زراعت کے شعبے کی بحالی پی ٹی آئی حکومت کا منشور ہے، وزیرِاعظم عمران خان

وزیراعظم عمران خان
loading...

اسلام آباد: وزیرِ اعظم عمران خان نے کہا ہے کہ حکومت زراعت کے شعبے میں چین کے تجربات سے فائدہ اٹھا رہی ہے، زراعت کے شعبے کی بحالی پی ٹی آئی حکومت کا منشور ہے۔

تفصیلات کے مطابق وزیرِ اعظم عمران خان کی زیرِ صدارت لائیو اسٹاک اور زراعت سے متعلق اجلاس منعقد ہوا، اجلاس میں وزیرِ اعظم کو لائیو اسٹاک اور زراعت سے متعلق بریفنگ دی گئی۔ وزیرِ اعظم کل کرتارپور سے واپسی پر سیالکوٹ کا دورہ کریں گے۔ وزیرِ اعظم عمران خان نے کہا کہ چین نے پاکستان کو زراعت میں تعاون کی یقین دہانی کرائی ہے، زراعت میں ترقی ملکی جی ڈی پی کے اضافے کا باعث بن سکتی ہے۔

وزیرِ اعظم کا کہنا تھا کہ زراعت کے شعبے میں ریسرچ اور جدید ترین آلات متعارف کرائے جائیں گے۔ دریں اثنا وزیرِ اعظم عمران خان نے سیالکوٹ میں علامہ اقبال یونی ورسٹی قائم کرنے کا فیصلہ کر لیا ہے، وہ کل کرتارپور سے واپسی پر سیالکوٹ کا دورہ کریں گے۔ سیالکوٹ دورے کے موقع پر وزیرِ اعظم علامہ اقبال یونی ورسٹی کا سنگِ بنیاد رکھیں گے، وزیرِ اعظم علامہ اقبال نالج پارک کا بھی افتتاح کریں گے۔

وزیرِ اعظم عمران خان کے ان دونوں منصوبوں سے وسطی پنجاب کے عوام مستفید ہو سکیں گے۔ خیال رہے کہ گزشتہ روز وزیرِ اعظم عمران خان نے ایک ٹویٹ کے ذریعے کہا تھا کہ پاکستان میں ماحول دوست سیاحت کو فروغ دینے کی بے پناہ گنجائش موجود ہے۔ جنوب میں ہمارے ساحلوں سے شمال کے مرغزاروں تک یہ سرزمین سیاحت کی بھرپور تاریخ سے بھری پڑی ہے۔

Spread the love

Comments

comments

اپنا تبصرہ بھیجیں