پنجاب بھر میں ضلع کی سطح پر جدید سپورٹس کمپلیکس کا قیام عمل میں لایا جا رہا ہے‘ رانا ارشد

کھیلیں اور تفریح کے مواقع نوجوان نسل کی شخصیت کی متوازن نشونما اور پروان میں اہم کردار ادا کرتے ہیں‘ معاون خصوصی وزیر اعلیٰ
لاہور:وزیر اعلیٰ پنجاب کے معاون خصوصی محمد ارشد رانانے کہا ہے کہ وزیر اعلیٰ پنجاب میاں محمد شہباز شریف کی خصوصی دلچسپی پر نوجوانوں کو کھیلوں کے بھر پور مواقع مہیا کرنے کے لیے پنجاب بھر میں ضلعی سطح پرجدید سپورٹس کمپلیکسز کا قیام عمل میں لایا جا رہا ہے، کھیلیں اور تفریح کے مواقع نوجوان نسل کی شخصیت کی متوازن نشونما اور پروان میں اہم کردار ادا کرتے ہیں۔ اپنے بیان میں انہوں نے کہا کہ پنجاب حکومت نے یہ فیصلہ کیا ہے کہ نوجوان طبقے کو کھیلوں کی سہولیات تک یکساں رسائی یقینی بنائی جائے۔ حکومت پنجاب وزیر اعلیٰ شہباز شریف کی ہدایت پر صوبہ میں ضلعی سطح پر سپورٹس کمپلیکس قائم کر رہی ہے ۔کھیلوں کے میدان بچوں میں سپورٹس مین سپرٹ کے جذبات اجاگر کرتے ہیں اور ان میں چھپی صلاحیتیں سامنے آتی ہیں۔جسکی وجہ سے معاشرے میں صحت مندی اور سماجی اوصاف پروان چڑھتی ہیں۔ انہوں نے کہا کہ تمام نوجوانوں کی کھیلوں کی سرگرمیوں تک بلا امتیاز رسائی ممکن ہوگی ۔ جس سے ہمارے نوجوان اپنی صلاحیتوں کو بروئے کار لاتے ہوئے کھیلوں کے میدانوں میں مقابلے اور مسابقت کے اوصاف سے لیس ہو کر زندگی کے چینلجز کا مقابلہ بڑی خوبی سے کر سکیں گے۔

Spread the love

Comments

comments

اپنا تبصرہ بھیجیں