خاندان کے کئی لوگ آج بھی بیٹیوں کو بوجھ سمجھتے ہیں، صحیفہ جبار

صحیفہ جبار
loading...

پاکستانی ماڈل و اداکارہ صحیفہ جبار اس وقت ’بیٹی‘ نامی ڈرامے میں مرکزی کردار نبھا رہی ہیں، جنہیں امید ہے کہ اس ڈرامے کو دیکھنے کے بعد لوگ بیٹیوں کو بوجھ سمجھنا بند کردیں گے۔

اس ڈرامے میں صحیفہ جبار ایک ایسی لڑکی کا کردار ادا کررہی ہیں جس کی شادی ایک ایسے گھرانے میں ہوتی ہے جو بیٹیوں کو پیدا ہوتے ہی ختم کرنے کا فیصلہ کرلیتے ہیں۔

ڈرامے میں دکھایا جائے گا کہ صحیفہ کیسے اپنی بیٹی کی قسمت تبدیل کرنے کی جدوجہد کریں گی۔

ڈرامے میں فہد مرزا صحیفہ جبار کے شوہر بنے ہیں، جبکہ عاصمہ عباس اور جاوید شیخ نے ان کے ساس اور سسر کا کردار نبھایا ہے۔

View this post on Instagram

#SaheefaJabbar & #FahadMirza having a laugh during the shoot of their upcoming drama #Beti!

A post shared by IMAGES (@dawn_images) on

’بیٹی‘ ڈرامے کے حوالے سے اداکار نے بتایا کہ ’میں سوشل میڈیا پر لوگوں کا ردعمل دیکھ رہی تھی اور صارفین کو یقین نہیں آرہا تھا کہ ایسے خاندان ابھی بھی ہمارے معاشرے میں موجود ہیں، انہوں نے کہا کہ اے آر وائے ریٹنگ کے لئے ایسے پریشان کن ڈرامے تخلیق کررہا ہے، لیکن یہ سچ نہیں‘۔

انہوں نے مزید کہا کہ ’میں اپنے خاندان میں ایسے کئی افراد کو جانتی ہوں جو آج بھی مذہبی مقامات پر جاکر بیٹے ہونے کی دعائیں مانگتے ہیں، میری کزن بھی کافی پریشان رہی کیوں کہ اس کے گھر تین بیٹیوں کی پیدائش ہوئی‘۔

صحیفہ کے مطابق ’ہمیں اس سوچ کو تبدیل کرنا ہوگا، ہمارا مذہب ہمیں سکھاتا ہے کہ بیٹی رحمت ہے، لیکن 1400 سال بعد بھی ہم بیٹیوں کو بوجھ سمجھتے ہیں، میں چاہتی ہوں لوگ یہ سمجھیں کہ بیٹے اور بیٹی میں کوئی فرق نہیں، میرے خاندان میں موجود نوجوان لڑکیوں نے گھر کے بیٹوں سے زیادہ ترقی کرلی ہے‘۔

اس ڈرامے کی کہانی صوفیہ خرم نے تحریر کی ہے جبکہ اس کی ہدایات محسن مرزا دے رہے ہیں اور پروڈکشن آئی ڈریمز کمپنی کے بینر تلے کی جارہی ہے۔

Spread the love
  • 1
    Share

Comments

comments

اپنا تبصرہ بھیجیں