کابل: آرمی پوسٹ پر حملہ، 5 اہلکار ہلاک 10 زخمی

کابل: آرمی پوسٹ پر حملہ، 5 اہلکار ہلاک 10 زخمی

افغانستان کے دارالحکومت کابل میں واقع ملٹری اکیڈمی مارشل فہیم نیشنل ڈیفنس یونیورسٹی کے قریب آرمی پوسٹ پر حملے کے نتیجے میں 5 اہلکار ہلاک جبکہ 10 زخمی ہوگئے۔

افغان خبر رساں ادارے نے افغان وزارت دفاع کے ترجمان دولت وزیری کے حوالے سے بتایا کہ 5 دہشت گردوں نے ملٹری اکیڈمی کی قریبی پوسٹ پر صبح سویرے حملہ کیا، جن میں سے ایک نے خود کو دھماکے سے اڑا لیا۔

دھماکہ 5 دہشت گردوں نے کیا جن میں سے 3 کو ہلاک کر دیا گیا اور ایک نے خود کو دھماکے سے اڑا لیا اور ایک دہشت گرد کو فورسز نے گرفتار کر لیا۔ حملے میں 5 اہلکار ہلاک جبکہ 10 زخمی ہو گئے۔

یاد رہے کہ افغانستان میں  2018 کے پہلے مہینے میں یہ دہشت گردی کا تیسرا بڑا واقعہ ہے۔  اس قبل  20 جنوری کو بھی کابل میں واقع انٹرکانٹیننٹل ہوٹل میں طالبان کے حملے کے نتیجے میں 11 غیر ملکیوں سمیت 22 افراد ہلاک ہوگئے تھے۔

Spread the love

Comments

comments

اپنا تبصرہ بھیجیں