نیوزی لینڈ کے ساتھ ٹی ٹونٹی سیریز کے لیے قومی ٹیم کا اعلان

کرکٹ ٹیم

نیوزی لینڈ کے خلاف تین ٹی ٹونٹی میچز کے لیے ٹیم پاکستان کے15 رکنی اسکواڈ کا اعلان کر دیا گیا ہے

آسٹریلیا کےخلاف کلین سوئپ کرنے والی قومی ٹیم میں کوئی تبدیلی نہیں کی گئی ہے۔ پی سی بی کی سلیکشن کمیٹی نے کپتان سرفراز احمد اور ہیڈ کوچ مکی آرتھر کی مشاورت سے اسی اسکواڈ کو برقرار رکھنے کا فیصلہ کیا ہے جس نے آسٹریلیا کے خلاف ٹی ٹونٹی سیریز میں کلین سویپ کیا ہے۔

پاکستان ٹیم میں کپتان سرفراز احمد ، فخر زمان ، محمد حفیظ ، بابر اعظم ، صاحبزادہ فرحان ، شعیب ملک ، آصف علی ، حسین طلعت ، شاداب خان ، شاہین آفریدی ، عثمان شنواری ، حسن علی ، عماد وسیم ، وقاص مقصود اور فہیم اشرف شامل ہیں ۔

واضح رہے کہ پاکستان اور نیوزی لینڈ کی کرکٹ ٹیموں کے درمیان ٹی ٹونٹی میچز 31 اکتوبر ، 2 نومبر اور 4 نومبر کو کھیلے جائیں گے۔

Spread the love
  • 2
    Shares

Comments

comments

اپنا تبصرہ بھیجیں