سرطان کے مریضوں کے لئے لیئنر ایکسلیریٹر مشین کی سہولت مہیا کی جائیں گی،خواجہ سلمان رفیق

خواجہ سلمان رفیق کی متعلقہ فرم کو بنکر کی تعمیر کا کام تیز کرنے کی ہدایت
لاہور: صوبائی وزیر سپیشلائزڈ ہیلتھ کئیر اینڈ میڈیکل ایجوکیشن خواجہ سلمان رفیق نے کہا ہے کہ وزیر اعلیٰ نشہباز شریف کی ہدایت پر کینسر کے مریضوں کے علاج کے لئے حکومت پنجاب انسٹی ٹیوٹ آف نیوکلیر میڈیسن اینڈ آنکالوجی لیبارٹریز (INMOL) میں0 26ملین روپے مالیت کی لینئر ایکسلیریٹر مشین(Linear Accelerator Machine) مہیا کررہی ہے اور اس قیمتی و حساس مشین کو نصب کرنے کے لئے مخصوص بنکر (Bunker) بھی پنجاب حکومت کے خرچ پر تعمیر کیا جارہا ہے۔

 خواجہ سلمان رفیق نے سوموار کے روز انمول ہسپتال جاکر ڈائریکٹر انمول ڈاکٹر ابو بکر اور دیگر متعلقہ حکام کے ساتھ ملاقات کی اور بنکر کی تعمیر اور مشین نصب کرنے کے اقدامات بارے تبادلہ خیال کیا ۔ خواجہ سلمان رفیق نے مشین کے لئے زیر تعمیر بنکر کا بھی معائنہ کیا ، انہوں نے متعلقہ فرم کے ذمہ داران اور ٹھیکے دار کو بنکر کی تعمیر کا کام تیز رفتاری سے مکمل کرنے کی ہدایت کی تاکہ مشین کو جلد نصب کرکے فنکشنل کیا جاسکے۔

loading...

 خواجہ سلمان رفیق کا کہنا تھا کہ حکومت کی کوشش ہے کہ مارچ کے اختتام یا اپریل کے پہلے ہفتے میں لینئر ایکسلیریٹر مشین نصب ہوجائے تاکہ کینسر جیسے جان لیوا مرض میں مبتلا مریضوں کے علاج میں آسانیاں پیدا ہوں ۔ اس موقع پر سپیشل سکریٹری(development) عثمان معظم ، ڈائریکٹر انمول ہسپتال ڈاکٹر ابوبکر اور دیگر افسران و فرم کے نمائندے بھی موجود تھے۔

 خواجہ سلمان رفیق نے بتایا کہ لینئر ایکسلریٹر مشین کی اصل قیمت 380ملین روپے تھی تاہم سکریٹری ہیلتھ نجم احمد شاہ اور دیگر حکام نے بات چیت کرکے مشین کی قیمت کو کم کرکے 260ملین کروایا جس سے قومی خزانے کو 120ملین روپے کی بچت ہوئی ہے۔خواجہ سلمان رفیق کا کہنا تھا کہ انمول کینسر کے علاج کا وفاقی ادارہ ہے لیکن حکومت پنجاب دکھی انسانیت کی خدمت پر یقین رکھتی ہے اور اسی جذبہ کے تحت وزیر اعلیٰ محمد شہباز شریف نے یہ قیمتی مشین کینسر کے مریضوں کے لئے انمول ہسپتال کو فراہم کرنے کی منظوری دی۔

وزیر صحت نے بتایا کہ نشتر ہسپتال ملتان میں بھی اسی نوعیت کی ایک اور مشین نصب کی جارہی ہے تاکہ سرطان کے مرض میں مبتلا مریضوں کی تشخیص اور علاج میں زیادہ سے زیادہ سہولیات اور آسانیاں پیدا کی جاسکیں۔ خواجہ سلمان رفیق نے مشین کے لئے مخصوص بنکر کی تعمیر میں سست رفتاری پر ناپسندیدگی کا اظہار کرتے ہوئے کام دن رات جاری رکھ کر جلد ازجلد مکمل کرنے کی ہدایت کی۔

Spread the love

Comments

comments

اپنا تبصرہ بھیجیں