عمران خان کی اہلیہ نے تحریک انصاف کی ناراض خواتین کارکنان کو منا لیا

عمران خان

پاکستان تحریک انصاف کے چیئرمین عمران خان کی اہلیہ بشریٰ مانیکا نے انتخابی ٹکٹوں کی غیر منصفانہ تقسیم کے معاملے پر پارٹی کی ناراض خواتین کارکنان کو منا لیا۔

آئندہ ماہ 25 جولائی کو ہونے والے عام انتخابات کے لیے پی ٹی آئی کے ٹکٹ نہ ملنے پر ناراض خواتین نے عمران خان سے زمان پارک میں ان کی رہائش گاہ پر ملاقات کی۔

تحریک انصاف کی ناراض خواتین کارکنان کی عمران خان کے ساتھ ہونے والی ملاقات میں ان کی اہلیہ بشریٰ بی بی بھی موجود تھیں اور انہوں نے ناراض خواتین کو منا لیا ہے۔

loading...

تحریک انصاف کی خاتون رہنما فاطمہ عثمان نے کہا کہ بشریٰ بی بی اتنی شفیق اور اتنی پیاری خاتون ہیں کہ ان کا بیان سن کر آنکھوں سے آنسو نکل آئے۔

سعدیہ سہیل کا کہنا تھا کہ عمران خان کو نئے گھر کی مبارکباد دی ہے اور ہم سب خوش ہیں جب کہ ڈاکٹر زرقا نے کہا کہ ہم عمران خان کی سپہ سالار ہیں اور پارٹی کے لیے بڑھ چڑھ کر انتخابی مہم چلائیں گے۔

دوسری جانب عمران خان نے اپنے بیان میں کہا کہ آج یا کل ٹکٹوں کا مسئلہ حل ہو جائے گا تو اللہ کا شکر ادا کروں گا کہ اس نے مجھے اِس عذاب سے بچایا۔

Spread the love

Comments

comments

اپنا تبصرہ بھیجیں