چارسدہ فائرنگ، 4 افراد جاں بحق

چارسدہ : صوبہ خیبرپختونخواہ کے شہر چارسدہ میں ملزم نے فائرنگ کرکے ماں سمیت 4 افراد کو قتل کردیا۔

تفصیلات کے مطابق چارسدہ کے علاقے تالا شاہ میں ملزم نے فائرنگ کرکے ماں، بھابھی، بھتیجی اور چچا زاد بھائی کو قتل کردیا۔

فائرنگ کے واقعے کی اطلاع ملتے ہی پولیس فوراََ جائے وقوعہ پر پہنچی اور شواہد اکٹھے کرکے ملزم کی تلاش شروع کردی ہے۔

پولیس حکام کا کہنا ہے کہ ملزم نشہ کرتا ہے اور اس سے قبل بھی اپنی بیوی کو قتل کرچکا ہے۔

اد رہے کہ رواں سال اگست کو صوبہ خیبرپختونخواہ کے علاقے کرک میں جائیداد کے تنازع پرمخالفین نے فائرنگ کرکے باپ اورتین بیٹوں کو قتل کردیا تھا، شوہراور بیٹوں کی لاشیں دیکھ ماں بھی صدمے سے انتقال کرگئی تھی۔ واضح رہے کہ 22 اگست کو مردان میں طورو کے علاقے ڈھکی میں جھگڑے کے دوران فائرنگ سے 5 افراد جان کی بازی ہار گئے تھے جبکہ 5 افراد زخمی ہوئے تھے۔ پولیس حکام کا کہنا تھا کہ فائرنگ کا واقعہ معمولی جھگڑے پرپیش آیا، مرنے والوں میں 2 بھائی ، چچا، بھتیجا اور ایک راہگیر شامل تھا۔

Spread the love
  • 3
    Shares

Comments

comments

اپنا تبصرہ بھیجیں