نیوزی لینڈ ٹی ٹوینٹی کی اچھی ٹیم ہے، جیت کا تسلسل برقرار رکھیں گے، سرفراز احمد

سرفرازاحمد

ابوظبی: قومی کرکٹ ٹیم کے کپتان سرفراز احمد نے کہا ہے کہ نیوزی لینڈ کی ٹی ٹوینٹی کی اچھی ٹیم ہے ہم جیت کا تسلسل برقرار رکھیں گے۔

ان خیالات کا اظہار انہوں نے ابوظبی میں پریس کانفرنس کرتے ہوئے کیا، سرفراز احمد نے شعیب ملک کو بیٹے کی ولادت پر مبارکباد دی اور ساتھ ہی بتادیا کہ شعیب ملک کل ٹیم کو جوائن کریں گے اور میچ بھی کھیلیں گے۔

سرفراز احمد نے کہا کہ آسٹریلوی ٹیم مضبوط ہے ایسے کھلاڑی تھے جو میچ جتوا سکتے تھے، نیوزی لینڈ کی ٹیم میں بھی اچھے کھلاڑی موجود ہیں، نیوزی لینڈ کے خلاف قومی ٹیم کی کارکردگی کو برقرار رکھیں گے۔

انہوں نے کہا کہ محدود اوور کی کرکٹ میں ہماری ٹیم اچھی فیلڈنگ کا مظاہرہ کررہی ہے، ٹیم کی فٹنس بہت اچھی ہے آئندہ بھی فیلڈنگ اچھی ہوگی، کیویز کے خلاف اچھی کرکٹ کھیلنے کی بھرپور کوشش کریں گے۔

کپتان قومی کرکٹ ٹیم نے کہا کہ ٹی ٹوینٹی فارمیٹ میں ہر ٹیم اچھا کھیلتی ہے جبکہ فخر زمان مکمل طور پر فٹ نہیں ہیں، نیوزی لینڈ کے خلاف ٹیم میں کوئی تبدیلی نہیں کی جائے گی۔

واضح رہے کہ کیویز کے خلاف ٹی ٹوینٹی سیریز کا آغاز کل سے ابوظبی میں ہورہا ہے، قومی ٹیم کے آسٹریلیا کے خلاف کامیابی حاصل کرنے والے اسکواڈ کو برقرار رکھا گیا ہے۔

فاتح اسکواڈ میں سرفراز کپتان ہیں اور ٹیم میں فخر زمان، محمد حفیظ، صاحب زادہ فرحان ، بابر اعظم، شعیب ملک، حسین طلعت، شاداب خان، شاہین آفریدی، عثمان خان، عماد وسیم، وقاص مقصود ، فہیم اشرف اور آصف علی شامل ہیں۔

Spread the love
  • 5
    Shares

Comments

comments

اپنا تبصرہ بھیجیں