پریانکا چوپڑا اور نک کی ’لو اسٹوری‘ کیسے شروع ہوئی؟

پریانکا چوپڑا
loading...

امریکی گلوکار نک جونس اور بھارتی اداکارہ پریانکا چوپڑا کی شادی کی تاریخ کا اعلان کردیا گیا ہے۔

بھارتی میڈیا کے مطابق ان کی شادی کی تقریبات کا سلسلہ بھارتی شہر جودھ پور میں 30 نومبر سے 2 دسمبر تک جاری رہے گا اور شادی کی تمام رسومات بھی اسی شہر میں ہوں گی۔

پریانکا چوپڑا نےایک ایونٹ میں انکشاف کرتے ہوئے بتایا کہ اُن کی اور نک جونس کی ’لو اسٹوری‘ کی شروعات کیسے ہوئی۔ انہوں نے بتایا کہ ان کی محبت کی کہانی میں پہلا قدم نک کی جانب سے اُٹھایا گیا تھا۔ نک جونس نے پریانکا کو پہلا میسج کیا تھا جس کے بعد سے دونوں کے درمیان بات چیت شروع ہوئی۔

پریانکا چوپڑا  نے بتایا کہ ’جب میرے اور نک کے درمیان بات چیت کا باقاعدہ آغاز ہوا تو میں کافی خوش ہوئی، یہ میری زندگی کا ایک نیا اور حسین باب ہےجس کی مجھے عادت ہوگئی ہے اور اس سے قبل میں نے خود کو اتنا خوش کبھی نہیں دیکھا۔‘

 پریانکا چوپڑا  نے مزید کہا کہ ایسی صورت حال میں جب آپ اپنے لیے کسی کی تلاش میں ہوتے ہیں اور خصوصاً وہ جسے آپ کا ’لائف پارٹنر‘ بننا ہو تو ایسے میں آپ کسی خاص کا انتخاب کرتے ہیں، تو ہاں میں بہت خوش اور پر جوش ہوں۔

واضح رہے کہ بھارتی میڈیا کے مطابق پریانکا چوپڑا اور نک جونس کی شادی دسمبرمیں بھارت کے شہر جودھ پور میں ہوگی اور اسی سلسلے میں پریانکا اور ان کے منگیترو امریکی گلوکار نک جونس شادی کی تیاریوں میں مصروف دکھائی دے رہے ہیں۔

 پریانکا چوپڑا اور نک کی شادی جودھ پور کے محل اومید بھون میں ہوگی جبکہ دونوں نے شادی میں 200 مہمانوں کو مدعو کرنے کا فیصلہ کیا گیا ہے، جس میں صرف قریبی عزیز و اقارب شامل ہوں گے۔

اس کے علاوہ بالی ووڈ کی دیسی گرل پریانکا چوپڑا کےلیے ان کے منگیتر نے خوابوں کا محل بھی خرید لیا ہے جس کی قیمت 6.5 ملین ڈالر ہے۔

Spread the love
  • 2
    Shares

Comments

comments

اپنا تبصرہ بھیجیں