پاک سوزوکی کا پاکستانیوں کو نئے سال کا تحفہ

سوزوکی

پاک سوزوکی نے 2019 کا آغاز ایک بار پھر اپنی گاڑیوں کی قیمتوں میں نمایاں اضافے کے ساتھ کیا ہے۔

پرو پاکستانی کی ایک رپورٹ کے مطابق پاک سوزوکی نے ایک سال کے دوران اپنی گاڑیوں کی قیمتوں میں چھٹی بار اضافہ کردیا ہے۔

کمپنی کی جانب سے مقامی سطح پر تیار ہونے والی گاڑیوں اور مکمل بلٹ یونٹس کی قیمتوں میں 30 ہزار سے 3 لاکھ 22 ہزار روپے کا اضافہ کیا ہے۔

رپورٹ میں مزید بتایا گیا کہ کمپنی نے نئی قیمتوں کا سرکولر ملک بھر میں تمام ڈیلرز کو بھیج دیا ہے۔

رپورٹ میں قیمتوں کے اضافے کی وجہ تو سامنے نہیں آئی مگر ممکنہ طور پر یہ ڈالر کے مقابلے میں پاکستانی روپے کی قدر میں کمی کی وجہ سے ہی بڑھائی گئی ہوں گی۔

گاڑیوں کی قیمتیں کچھ اس طرح ہیں

سوزوکی مہران وی ایکس: اب یہ گاڑی 7 لاکھ 89 ہزار روپے میں دستیاب ہوگی۔

سوزوکی مہران وی ایکس آر : اس کی قیمت 8 لاکھ 60 ہزار روپے ہوگئی ہے۔

سوزوکی راوی : 7 لاکھ 76 ہزار روپے میں دستیاب ہوگی۔

سوزوکی بولان : اس گاڑی قیمت اب 8 لاکھ 54 ہزار روپے ہے۔

کارگو وین : اس وین کو خریدنے کے لیے 8 لاکھ 20 ہزار روپے خرچ کرنا ہوں گے۔

سوزوکی ویگنر آر وی ایکس آر: پاکستانیوں میں مقبول یہ گاڑی اب 11 لاکھ 84 ہزار کی بجائے 12 لاکھ 24 ہزار روپے میں فروخت ہوگی۔

سوزوکی ویگنر آر وی ایکس ایل : اس کی قیمت 12 لاکھ 74 ہزار سے بڑھا کر13 لاکھ 14 ہزار روپے کردی گئی۔

سوزوکی کلٹس وی ایکس آر : اس کی قیمت 13 لاکھ 80 ہزار سے بڑھا کر 14 لاکھ 10 ہزار روپے کردی گئی ہے۔

سوزوکی کلٹس وی ایکس ایل : اس کی قیمت 15 لاکھ ایک ہزار روپے کی بجائے اب 15 لاکھ 31 ہزار روپے ہوگئی ہے۔

سوزوکی سوئفٹ ڈی ایل ایکس این وی : یہ گاڑی اب 15 لاکھ 15 ہزار کی بجائے 15 لاکھ 55 ہزار روپے میں دستیاب ہوگی۔

سوزوکی سوئفٹ اے ٹی این وی : اسے خریدنے کے لیے 16 لاکھ 51 ہزار کی بجائے 16 لاکھ 91 ہزار روپے خرچ کرنا ہوں گے۔

سوزوکی اے پی وی: اس گاڑی کی قیمت میں سب سے زیادہ 3 لاکھ 22 ہزار روپے کا اضافہ ہوا اور اب یہ 27 لاکھ 18 ہزار کی بجائے 30 لاکھ 40 ہزار روپے میں فروخت ہوگی۔

سیاز ایم ٹی : یہ گاڑی اب 19 لاکھ 60 ہزار روپے کی بجائے 20 لاکھ 60 ہزار روپے میں دستیاب ہوگی۔

سیاز اے ٹی : اس کی قیمت 21 لاکھ سے بڑھا کر 22 لاکھ روپے کردی گئی۔

ویتارا جی ایل ایکس اے ٹی : اس کی قیمت ایک لاکھ روپے اضافے سے 38 لاکھ 90 ہزار سے بڑھ کر 39 لاکھ 90 ہزار روپے ہوگئی ہے۔

جمی جے ایل ڈی ایکس ایم ٹی : یہ جیپ 23 لاکھ 93 ہزار روپے میں فروخت ہوگی۔ کمپنی کی جانب سے نئی قیمتوں کا اطلاق یکم جنوری سے کردیا گیا ہے۔

loading...

Spread the love
  • 3
    Shares

Comments

comments

اپنا تبصرہ بھیجیں