نوجوان شادی کی رات بھی پاکستان کا میچ دیکھنا نہ بھولا

میچ

دنیا بھر میں ہمیں کھیلوں کے انوکھے اور دلچسپ شائقین دیکھنے کو ملتے ہیں جو کھیل اور کھلاڑیوں سے اپنی محبت اور جنون میں انوکھے انداز اپنا کر دنیا بھر کو حیران کر دیتے ہیں۔

تاہم حال ہی میں ہمیں کرکٹ خصوصاً پاکستان کرکٹ کا ایسا شائق دیکھنے کو ملا کہ جس کی کھیل سے محبت کو دیکھ کر انٹرنیشنل کرکٹ کونسل(آئی سی سی) بھی اس کے بارے میں ٹوئٹر پر شیئر کرنے سے خود کو نہیں روک سکی۔

تیسرا ٹی20: پاکستانی ٹیم میں 2 سے 3تبدیلیاں متوقع ہیں

انٹرنیشنل کرکٹ کونسل نے گزشتہ روز سماجی رابطوں کی ویب سائٹ ٹوئٹر پر ایک پوسٹ شیئر کی جس میں ایک نوبیاہتا جوڑے کو عروسی لباس میں میں دکھایا گیا جبکہ عقب میں ایک ٹی وی اسکرین پر میچ چلتا ہوا دیکھا جاسکتا ہے۔

حسن تسلیم نامی اس شخص نے آئی سی سی کو ایک پوسٹ شیئر کی جس میں انہوں نے بتایا کہ وہ کرکٹ کے بہت بڑے شائق ہیں اور یہ تصویر ان کی شادی کی رات کی ہے جو گزشتہ ہفتے منعقد ہوئی تھی۔

انہوں نے اپنی پوسٹ میں لکھا کہ روایت کے مطابق شادی ہونے کے بعد دلہن کو گھر لایا جاتا ہے، جہاں قریبی رشتے دار دلہن کا استقبال کرتے ہوئے چند رسومات کی ادائیگی کرتے ہیں۔

حسن تسلیم نے بتایا کہ امریکا میں ہوئی اس شادی کے بعد جب وہ رات میں گھر پہنچے تو پاکستان اور آسٹریلیا کے درمیان ٹی20 میچ چل رہا تھا۔

انہوں نے بتایا کہ وہ شمالی امریکا میں عرصے سے مقیم ہیں اور کرکٹ کے جنون اور شوق کے سبب راتوں کو جاگ کر پاکستان کو کھیلتے ہوئے دیکھتے ہیں اور اپنی شادی کی رات بھی انہوں نے اس روایت کو برقرار رکھا اور شادی کی رات بھی میچ دیکھا۔

آئی سی سی نے اپنے پیغام میں کہا کہ ہمیں امریکا سے ایک پیغام ملا ہے اور ہمیں پتہ ہے کہ یہ ان کی کرکٹ سے ان کی محبت کا ثبوت ہے۔

(Visited 30 times, 1 visits today)
loading...

Comments

comments

اپنا تبصرہ بھیجیں