سعودی عرب: قطیف میں پولیس کی کارروائی سے6 مشتبہ افراد ہلاک کر دیئے گئے

سعودی عرب

سعودی عرب کی خفیہ ایجنسی کا کہنا ہے کہ قطیف میں پولیس کی چھاپہ مار کارروائی کے دوران 6 مشتبہ افراد ہلاک ہوگئے۔

فرانسیسی خبررساں ادارے ’ اے ایف پی‘ کی رپورٹ کے مطابق سعودی پریس ایجنسی کے بیان کے مطابق پیر کو جش نامی علاقے میں دہشت گردوں کے ٹھکانے پر حملے کے دوران ایک شخص کو زخمی حالت میں گرفتار کیا گیا۔

بیان کے مطابق سعودی عرب کے مشرقی صوبے قطیف میں ترقیاتی منصوبے پر حملے کو ناکام بنانے کے دوران کیے گئے آپریشن میں 5 افسران بھی زخمی ہوئے تھے۔

خیال رہے کہ سعودی عرب کا مشرقی صوبہ 2011 کے عرب انقلاب کے بعد سے کشیدگی کا شکار ہے، عرب انقلاب کے دوران مظاہرین نے حکومت کی جانب سے کی جانے والی تفریق کے خاتمے کا مطالبہ کیا تھا۔

ایران کی جاسوسی پر سابق اسرائیلی وزیر کو 11 سال قید کا سامنا

اس احتجاجی تحریک کے رہنما نمر النمر کو 2016 میں دہشت گردی کو فروغ دینے کے الزام میں گرفتار کیا گیا تھا۔

نمر النمر کی گرفتاری کے بعد خلیجی ممالک سمیت ایران میں کشیدگی میں اضافہ ہوا تھا۔

بعد ازاں سعودی حکام نے 2017 میں قطیف کے علاقے میں احتجاجی مرکز ضلع عوامیہ کا قبضہ حاصل کیا تھا۔

اس حوالے سے اس وقت انسانی حقوق کی تنظیم نے کہا تھا کہ ان کے پاس سعودی فورسز کے علاقے میں داخل ہو کر اس کا گھیراؤ کرکے قبضہ حاصل کرنے کے سیٹیلائٹ شواہد موجود ہیں۔

تاہم سعودی حکام کی جانب سے دہشت گردوں اور منشیات کے اسمگلروں کو عوامیہ میں کشیدگی کا ذمہ دار ٹھہرایا جاتا ہے۔

Spread the love

Comments

comments

اپنا تبصرہ بھیجیں