پاکستان میں بیروزگاروں کی تعداد 1 لاکھ 70 ہزار سے بڑھ کر 37 لاکھ 90 ہزار ہوگئی

بیروزگار افراد

اسلام آباد: وفاقی ادارہ شماریات نے لیبرفورس سروے رپورٹ 2017-2018 جاری کردی۔

رپورٹ کے مطابق پاکستان میں بیروزگار افراد کی تعداد میں ایک لاکھ 70 ہزار کا اضافہ ہوا ہےجس کے بعد بیروزگار افراد کی تعداد بڑھ کر 37 لاکھ 90 ہزار ہوگئی ہے۔

رپورٹ کے مطابق پنجاب میں 23 لاکھ 90 ہزار ،سندھ میں 7 لاکھ 50 ہزار، کے پی میں 5 لاکھ 50 ہزار اور بلوچستان میں ایک لاکھ 10 ہزار افراد بے روزگار ہیں۔

تاجر برادری ملک کے معاشی استحکام میں تعاون کرے: آرمی چیف

رپورٹ میں مزید بتایا گیا ہےکہ پاکستان میں 2015 میں بیروزگار افراد کی تعداد 36 لاکھ 20 ہزار تھی، 2015کے مقابلے میں بیروزگاری کی شرح میں معمولی کمی ہوئی جس کی شرح 5.9 سے کم ہوکر 5.8 فیصد ہوئی ہے۔

رپورٹ کے مطابق ملک میں شادی شدہ اور بیواؤں کی تعداد میں اضافہ ہوا ہے، شادی شدہ افراد کی تعداد 52.6 سے بڑھ کر 53.5 فیصد ہوگئی، بیواؤں اور رنڈووں کی تعداد 3.6 سے بڑھ کر 3.9 فیصد ہوگئی، اس کے علاوہ کبھی شادی نہ کرنے والے افراد کی تعداد 42.3 فیصد ہے۔

Spread the love

Comments

comments

اپنا تبصرہ بھیجیں