بھوکے برفانی ریچھوں نے انسانی بستیوں پر ہلہ بول دیا

بھوکے برفانی ریچھوں

ماسکو: روس میں بھوکے برفانی ریچھوں نے انسانی بستیوں پر ہلہ بول دیا، انتظامیہ نے علاقے میں ایمرجنسی نافذ کردی۔

تفصیلات کے مطابق روس کے علاقے نووایازیملیا میں ریچھوں نے دن دہاڑے حملہ کردیا، خوش قسمتی سے کوئی جانی نقصان نہیں ہوا۔

غیر ملکی خبر رساں ادارے کا کہنا ہے کہ کسی بھی ناخوشگوار واقعے سے نمٹنے کے لیے انتطامیہ نے علاقے میں ایمرجنسی نافذ کردی اور شہریوں میں گھروں میں رہنے کی خصوصی ہدایت کی گئی ہے۔ ماحولیاتی تبدیلی سے متاثر ہوکر ریچھ خوراک کی تلاش میں آبادی کارخ کررہے ہیں۔

وفاقی ادارہ برائے ماحولیات نے شہریوں کو ریچھوں پر فائرنگ نہ کرنے کی ہدایت کرتے ہوئے ریچھوں کو جزیرے پر واپس بھیجنے سے متعلق اقدامات کی یقین دہانی کرائی ہے۔

مقامی انتظامیہ کا کہنا ہے کہ ریچھوں کے ڈر سے شہری گھروں میں محصور ہیں، جبکہ معمولات زندگی بھی متاثر ہیں اور والدین اپنے بچوں کو اسکول نہ بھیجنے پر مجبور ہیں۔

امریکی شہری نے آدم خور شیر کو گلا گھونٹ کر مار ڈالا

ماہرین کا کہنا ہے کہ ماحولیاتی تبدیلی کے باعث ریچھ اپنا شکار بھی تبدیل کررہے ہیں، خوراک نہ ہونے کے باعث انسانی آبادی کا رخ کرنے سے مستقبل میں سنگین نتائج کا سامنا کرنا پڑ سکتا ہے۔

قبل ازیں ستمبر 2016 میں روس کے ٹروئے نوئے نامی جزیرے پر قائم ویدر اسٹیشن کا ریچوں سے محاصرہ کرلیا تھا تاہم اندر موجود پانچ سائنسدان محفوظ رہے تھے، حکومت نے ہیلی کاپٹر کے ذریعے انہیں باحفاظت نکالنے کے لیے مدد فراہم کی تھی۔

loading...

Comments

comments

اپنا تبصرہ بھیجیں