آسٹریلیا نے بھارت کو ون ڈے سیریز میں شکست دے کر نیا ریکارڈ اپنے نام کرلیا

آسٹریلیا

کرکٹ میچ میں 35 رنز سے شکست دے کر پانچ میچوں کی سیریز 3-2 سے اپنے نام کر لی۔

آسٹریلوی ٹیم بھارت کے خلاف ابتدائی دو ون ڈے میچز ہارنے کے بعد سیریز جیتنے والی دنیا کی پہلی ٹیم بھی بن گئی ہے، اس کے ساتھ ساتھ آسٹریلوی ٹیم نے 2009ء کے بعد بھارتی سرزمین پر پہلی ون ڈے سیریز جیتی ہے۔

کینگروز نے پہلے کھیلتے ہوئے مقررہ اوورز میں 9 وکٹوں کے نقصان پر 272 رنز بنائے، عثمان خواجہ نے بھارتی باؤلرز کا ڈٹ کر مقابلہ کیا اور شاندار سنچری اسکور کی، وہ 100 رنز بنا کر نمایاں رہے۔

loading...

جواب میں بھارتی ٹیم مطلوبہ ہدف کے تعاقب میں مقررہ اوورز میں 237 رنز بنا کر آؤٹ ہوگئی، روہت شرما کے سوا بھارت کا کوئی بھی کھلاڑی خاطر خواہ کارکردگی کا مظاہرہ نہ کر سکا۔

شرما 56 رنز بنا کر نمایاں رہے، کوہلی بیٹنگ کا جادو چلانے میں ناکام رہے اور 20 رنز بنا کر چلتے بنے۔ ایڈم زمپا نے 3 وکٹیں لے کر ٹیم کی جیت میں حصہ ڈالا، عثمان خواجہ میچ اور سیریز کے بہترین کھلاڑی قرار پائے۔

Comments

comments

اپنا تبصرہ بھیجیں