عابدہ پروین روحانی والدہ قرار

عابدہ پروین

ہولی وڈ اداکارہ، گلوکار، کامیڈین و لکھاری 48 سالہ جاڈا پنکٹ سمتھ اگرچہ پہلے بھی پاکستان کی شہرت یافتہ صوفی فنکارہ عابدہ پروین کو اپنی پسندیدہ ترین صوفی گلوکارہ قرار دے چکی ہیں۔

تاہم اب انہوں نے عابدہ پروین کو اپنی روحانی والدہ قرار دیا ہے۔

جاڈا پنکٹ سمتھ خود بھی گلوکاری کرنے سمیت گیت بھی لکھتی ہیں اور وہ خود کو صوفی میوزک کا سب سے بڑا مداح قرار دیتی ہیں۔

جاڈا پنکٹ نے رواں برس اپریل میں اپنے انسٹاگرام پر عابدہ پروین اور راحت فتح علی خان کی جانب سے ’کوک اسٹوڈیو سیزن 7‘ میں گائے گئے گانے کی ایک مختصر ویڈیو شیئر کی تھی۔

عابدہ پروین کو روحانی والدہ قرار

جاڈا پنکٹ سمتھ نے عابدہ پروین اور راحت فتح علی خان کے گانے ’چاپ تلک‘ کی مختصر ویڈیو شیئر کرتے ہوئے لکھا تھا کہ یہ دونوں فنکار ان کے پسندیدہ ترین صوفی فنکار ہیں۔

View this post on Instagram

@queenofsoul_ap and @officialrfakworld are two of my favorite vocalist of Sufi music. This song is called Chaap Tilak and you can go on YouTube to check out the lyrics. They are beautiful✨💫

A post shared by Jada Pinkett Smith (@jadapinkettsmith) on

اور اب انہوں نے سوشل میڈیا پر عابدہ پروین کو اپنی روحانی والدہ قرار دیا ہے۔

جاڈا پنکٹ سمتھ نے عابدہ پروین کی بیرون ملک ہونے والے صوفی میوزک فیسٹول میں شرکت کی اور وہاں کی مختصر ویڈیو اپنی انسٹاگرام اسٹوری پر شیئر کی۔

اداکارہ نے عابدہ پروین کی جانب سے صوفی نائٹ میں گائے جانے والے کلام ’گھوم چرخڑا‘ کی مختصر ویڈیو شیئر کرتے ہوئے انہیں اپنی روحانی والدہ قرار دیا۔

اداکارہ و گلوکارہ نے عابدہ پروین کی صوفی موسیقی کی تعریف بھی کی، ان کی جانب سے شیئر کی جانے والی ویڈیو میں لوگوں کو عابدہ پروین کے سحر طاری کرنے والی آواز پر جھومتے ہوئے دیکھا جا سکتا ہے۔

اداکارہ نے انسٹاگرام پر عابدہ پروین سے محبت سے ملتے ہوئے بنوائی گئی تصاویر بھی شیئر کیں اور ان کے لیے عقیدت کا اظہار کیا۔

خیال رہے کہ جاڈا پنکٹ سمتھ معروف اداکار ول سمتھ کی اہلیہ اور 2 بچوں کی ماں ہیں۔

انہوں نے اب تک 4 درجن کے قریب فلموں اور متعدد ڈراموں میں اداکاری کے جوہر دکھائے ہیں۔

جاڈا پنکٹ سمتھ اداکاری کے علاوہ گلوکاری بھی کرتی ہیں، ساتھ ہی وہ گیت بھی لکھتی ہیں۔

جاڈا پنکٹ سمتھ متحرک سماجی کارکن بھی ہیں، ساتھ ہی ان پر متنازع عقیدے ’سائنٹولاجی‘ کی پیروکار ہونے کے الزامات بھی لگائے جاتے ہیں۔

’سائنٹولاجی‘ امریکا سمیت یورپ کے متعدد ممالک میں کام کرتا ہے، اس عقیدے کے ماننے والے چرچ کی طرح چلنے والے ایک نظام کے تحت اپنے عقائد پر عمل کرتے ہیں۔

اس نظریات کے حامل افراد کے لیے امریکا میں ’چرچ آف سائنٹولوجی‘ الگ اور آزاد طریقے سے کام بھی کرتا ہے، اس چرچ کی کئی برانچز ہیں، جن میں سائنٹولوجسٹ خدمات سر انجام دیتے ہیں۔

(Visited 18 times, 1 visits today)

Comments

comments

اپنا تبصرہ بھیجیں