شہباز شریف کی نواز شریف سے ملاقات، حکومت مخالف تحریک پر مشاورت

شہباز شریف

پاکستان مسلم لیگ (ن) کے صدر و قومی اسمبلی میں قائد حزب اختلاف شہباز شریف نے کوٹ لکھپت جیل میں پارٹی کے قائد نواز شریف سے ملاقات کی۔

سابق وزیراعظم نواز شریف سے ملاقات کرنے والوں میں احسن اقبال اور خواجہ آصف بھی شامل تھے۔

پارٹی ذرائع کے مطابق شہباز شریف نے سابق وزیراعظم کو گزشتہ روز جمعیت علمائے اسلام (ف) کے سربراہ مولانا فضل الرحمان سے ہونے والی ملاقات اور آئندہ ماہ آزادی مارچ سے متعلق گفتگو پر اعتماد میں لیا۔

رانا ثنااللہ کے جوڈیشل ریمانڈ میں مزید 14 روز کی توسیع

قبل ازیں شہباز شریف نے جیل میں قید بیٹے حمزہ شہباز سے بھی ملاقات کی۔

یاد رہے کہ گزشتہ روز شہباز شریف اور مولانا فضل الرحمان کے درمیان ملاقات میں دونوں جماعتوں کی جانب سے مشترکہ طور پر آزادی مارچ کی تاریخ طے کرنے پر اتفاق ہوا تھا۔

مسلم لیگ (ن) نے 30 ستمبر کو ہونے والے مرکزی مجلس عاملہ کے اجلاس میں جے یو آئی (ایف) کے وفد کو بھی شرکت کی دعوت دی جس میں لیگی رہنماؤں کو اعتماد میں لیا جائے گا۔

خیال رہے کہ مولانا فضل الرحمان نے وفاقی حکومت کے خلاف اکتوبر میں آزادی مارچ کا اعلان کررکھا ہے جس کیلئے وہ سیاسی جماعتوں سے رابطے کررہے ہیں۔

پاکستان پیپلزپارٹی پہلے ہی مولانا فضل الرحمان کے اسلام آباد لاک ڈاؤن میں شرکت سے انکار کرچکی ہے۔

(Visited 15 times, 1 visits today)
loading...

Comments

comments

اپنا تبصرہ بھیجیں