چوبیس گھنٹے تک چلنے والا پہلا فولڈ ایبل لیپ ٹاپ متعارف

کمپیوٹر

اورلینڈو: کمپیوٹر اور لیپ ٹاپ سمیت دیگر الیکٹرانکس اشیاء بنانے والی کمپنی لینووو نے منفرد لیپ ٹاپ متعارف کرادیا جسے فولڈ کیا جاسکتا ہے۔

تفصیلات کے مطابق اورلینڈو میں منعقدہ ایک تقریب کے دوران لینووو کی جانب سے پہلا فولڈ ایبل لیپ ٹاپ متعارف کرایا جسے استعمال کے بعد تہہ کیا جاسکتا ہے۔

فولڈ ایبل لیپ ٹاپ کو بیک وقت کمپیوٹر اور لیپ ٹاپ بنایا جاسکتا ہے، اس کی اسکرین کو کھول کر ڈیسک ٹاپ کمپیوٹر بھی بنایا جاسکتا ہے جبکہ اسے تہہ کر کے ٹیبلٹ یا لیپ ٹاپ میں تبدیل کیا جاسکتا ہے۔

ویوو نے اپنا نیا اسمارٹ فون پاکستان میں فروخت کے لیے پیش کردیا

کمپنی کی جانب سے فولڈ ایبل کمپیوٹر مشین کو کوئی نام نہیں دیا گیا البتہ لینووو نے اسے تھنک پیڈا ایکس ون کے بینر تلے پیش کیا۔ اس ضمن میں ایک ویڈیو بھی یوٹیوب پر شیئر کی گئی جس میں دیکھا جاسکتا ہے کہ 13 انچ کے دو لیپ ٹاپ کو آپس میں جوڑ دیا گیا جبکہ اس کی ٹچ اسکرین رکھی گئی ہے۔

لینووو کے ترجمان نے تقریب سے خطاب کرتے ہوئے دعویٰ کیا کہ ونڈوز پر چلنے والے لیپ ٹاپ کی بیٹری دیگر کے مقابلے میں بہت طاقتور ہے اور اسے بغیر کسی وقفے کے مسلسل چوبیس گھنٹوں تک استعمال کیا جاسکتاہے۔

اسکرین کے نیچے ٹچ اسکرین کی بورڈ دیا گیا جبکہ اس میں علیحدہ سے کی بورڈ اور ماؤس کو بھی منسلک کی جاسکتا ہے۔ کمپنی کی جانب سے بھی اس کی پہلی جھلک پیش کی گئی جبکہ امکان ہے کہ اسے 2020 تک مارکیٹ میں فروخت کے لیے پیش کیا جائے گا۔

(Visited 8 times, 1 visits today)

Comments

comments

اپنا تبصرہ بھیجیں